|
فهيد بن مقيم العرجي وجاره المهداني
كا ن الفايز من ال فاضل العرجان وقت الربيع نازلين الحمراني بالدهناء وقد جاورهم سعيد بن شيبان المهداني من
ال وبروعندما انتهاء وقت الربيع سند المهداني صوب نجد ونزل الفايز على سعد وبتحديد جنوب هجرة سعد الحاليه على ابار الفايز المعروفه وقد تهيض الشاعر فهيد بن مقيم رحمه الله بعد ان شاهد رحيل جيرانه ومتذكر علومهم الطيبه وأخذ يمدح ال مهدي كافه وهم يستاهلون المدح بني شداد ويقول رحمه الله ياراكب من عندنا فوق ثنتين حرايرأصل وأصلهن به اعماقه فج النحورمسلبات الذراعين لين المقاود والمذارع دقاقه تلفى على اللي يذبحون الخرافين وفنجالهم للعمس حلو مذاقه حرفان لمن جيت نجع المهادين رد السلام ولاتدسه سراقه للجار سهلين ولضد قاسين ومعهم صعيب الراس ياتي علاقه من لابة عند اللقى تنزع الدين لا جاء نهار حملة الهوش ساقه رحم الله ابن مقيم واسكنه فسيح جناته واموات المسلمين انه سميع مجيب الدعاء |
رد : فهيد بن مقيم العرجي وجاره المهداني
لاهنت يالعرجي علي السالفه والقصيدهـ
رحم الله ابن مقيم واسكنه فسيح جناته واموات المسلمين تحياتي لك |
رد : فهيد بن مقيم العرجي وجاره المهداني
بيض الله وجهك يا العرجي و عز الله إن صبيان ( آل مهدي ) كفو ولا في باقي قحطان قاصر |
رد : فهيد بن مقيم العرجي وجاره المهداني
لا هنت يا محمد على السالفه الطيبه
الف شكر تقبل مروري |
رد : فهيد بن مقيم العرجي وجاره المهداني
لاهنت
يالعرجي علي السالفه والقصيدهـ مشكووووووووووووووور تحياتي |
رد : فهيد بن مقيم العرجي وجاره المهداني
الاخوة فهد العلياني وابن قناد ونايف بن راكان وعايض الفهري الله لايهينكم ومشكورين على مروركم واسأل الله ان
يوفقكم لما يحبه ويرضاه وتقبلو تحياتي |
رد : فهيد بن مقيم العرجي وجاره المهداني
اررررررررررررررحب يا محمد تراحيب الحيا ..
بيض الله وجهك على هذه القصيده الجزله والله ومليووون نعم بلمادح والممدوح .. محمد جعلني ماعدمك ولا خلا منك .. كثر من ذا المواضيع .. تراها تزيد في الروح وترد بعض من الحياه لنا .. تقبل مروري نفداك .. ودمت لمحبك ..:) |
رد : فهيد بن مقيم العرجي وجاره المهداني
االأخ الغالي فلاح مشكور على مرورك وماعليك زود ياكحيلان كلماتك وسام على صدري تقبل تحياتي
|
رد : فهيد بن مقيم العرجي وجاره المهداني
بسم الله 000 السلام عليكم
, بيض الله وجهك يامحمد ياوجه بني شداد ---- عز الله انك هيضت قلب شايبنا ,,, وانا من الحموله اللي ذكر فيهم المدح0000 يوم سمع السالفه ذكر انها في ايام الشايب ( اخو بخيته ) جد سعيد بن شيبان الله لايهينك ونعم بكم ال مقيم لاهنت ياللي مدحت شايبنا انتم اهل المدح والطيب انتم بني شداد ومن قرايبنا وانتم اهل الفزعات لاعوى ذيب لذيب |
رد : فهيد بن مقيم العرجي وجاره المهداني
[quote=ال حزام العبيدي;657771]بسم الله 000 السلام عليكم
, بيض الله وجهك يامحمد ياوجه بني شداد ---- عز الله انك هيضت قلب شايبنا ,,, وانا من الحموله اللي ذكر فيهم المدح0000 يوم سمع السالفه ذكر انها في ايام الشايب ( اخو بخيته ) جد سعيد بن شيبان الله لايهينك ونعم بكم ال مقيم لاهنت ياللي مدحت شايبنا انتم اهل المدح والطيب انتم بني شداد ومن قرايبنا وانتم اهل الفزعات لاعوى ذيب لذيب يامحمد ليتك بكامل الاسم تجاوبنا انت وابوك وجدك سعد الضيف لالفى يبغى المعازيب ] |
| الساعة الآن 08:35 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com