|
ركعتين بالاسحار
اليكم رائعة / تركي بن حميد آمل ان تنال بعض رضاكم يا ما حلا يا عبيد في وقت الاسفار ==== جر الفراش وشب ضو المناره مع دلة تجذا على واهج النار ==== ونجر ٍ ليا حرك تزايد عباره النجر دق وجاذب كل مرار ==== ما لفه الملفوف من دون جاره واخير منها ركعتين بالاسحار ==== لا طاب نوم اللي حياته خساره تلقاه في يوم يضيعن الافكار ==== يوم على المخلوق ما طول نهاره قم في قصير البيت حشمة ومقدار ==== لو جار فأدمح له ولو به خساره ترى النبي وصى على الجار لو ج ار ==== خذ الحذر ياعبيد عقب النذاره رافق قوي الدين حفاظ الأسرار ==== ينفعك في يوم تجي به كراره ترى الهوا والغي هن شر الأشرار ==== ومن داس عار الناس داسوا لعاره جنّب ردي الكار ما فيه تعبار ==== ما فيه من فعل المناعير شاره جنب عنه خله لقصاف الأعمار ==== واحفظ وصاتي يارفيع المناره واسلم ودم بالخير ياطير غيمار ==== وصلو على المختار ما غار غاره |
رد : ركعتين بالاسحار
ترى النبي وصى على الجار لو ج ار ==== خذ الحذر ياعبيد عقب النذاره
راااائعه جدآ يالسنحاني صح الله لسان قايلها وناقلها دمت مبدعآ تحيتي |
رد : ركعتين بالاسحار
اقتباس:
ولسانك يصح تسلم يا الغالي |
| الساعة الآن 02:29 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com