شبكة قحطان - مجالس قحطان - منتديات قحطان

- مجلس عذب الكلام (https://www.qahtaan.com/vb/forumdisplay.php?f=16)

- - طلبتك ما تخليني (https://www.qahtaan.com/vb/showthread.php?t=58237)

طلبتك ما تخليني

صبحكم / مساكم الله بالخير

اشتقنا لكم .
قصيده اعجبتني وحبيت أنقلها لسموكم الراقي ........ للشاعر الغالي / جارالله الشدي

( طلبتك ما تخليني )

القصيده :

على كل الغلا اللي جاك وحبٍ بآن في عيني
ما يتكرر .. وبتناسا وبنسى شخص حبيتـه

وعلى إنك مالكٍ عقلي وتمشي في شراييني
قسم لو ينبضك شريان بعد هاليـوم ذكيتـه

أثرني ميت بشخصٍ لعب في حسبة سنينـي
وهو لو يطلب عيوني .. حرام إن كان رديته

نسيت إني أحبك موت وماغيرك يواسيني؟
نسيت إن الغلا لك بس وغيرك ياما صديته؟

نسيت إني تعبت سنين وماغيرك معنّيني؟
نسيت إني مبي غيرك وماغيرك تمنيته؟

نسيت إني حلفت الله .. ماغيرك شخص مشقيني؟
نسيت إنت الوحيد اللي ليامن صآح لبيته؟

نسيت إني ليا شفتك أحس النار تكويني ؟
واذا طيفك خطر بالي لحقته ثم ضمتيه؟

نسيت إني بنيتك حب وموت الحب يبنيني؟
نسيت أنك غلا روحي ولا غيرك تفديته؟

نسيت إني أذوب أمرار ليا شفتك تحاكيني ؟
نسيت إن الحزن منّك حمسته ثم تقهويته؟

نسيت إني سبق وإنْ قلت ترا وصلك يكفيني؟
نسيت إني رفعتك فوق وما ضرّك تحاشيته؟

نسيت إني طلبتك يا ودآعي ما تخليني ؟
نسيت إني لجل وصلك ولو أنهان سويته؟

نسيت اني كتبتك عشق وحب في دواوييني؟
نسيت إني ولا رقمٍ لجل عينك ودقيته؟

نسيت إنك طعنت الروح وطاعنها بسكيني ؟
نسيت إن الدمع يذرف ؟ وياما هل وأخفيته؟

نسيت إني .. نسيت إني .. الا وش عاد بيديني؟
وأنا اللي كل ماعندي .. كتبته لك .. خطّيته؟

آنا آسف..نسيت إني ..أبمسح دمعه بعيني..!!
وأنا آسف على كتمان حبّك لو تناسيته..!!

وعلى إنك مالكٍ عقلي وتمشي في شراييني
قسم لو ينبضك شريان بعد هاليـوم ذكيتـه

رد : طلبتك ما تخليني

المبدع ناصر

أطربت الروح بـ تِبر الحرف
وأدهشت الفكر بـ هذا النبض

دمتَ بـ جمال

رد : طلبتك ما تخليني

ارحب ارحب ارحب يا ناصر والله يحيك ..

وبيض الله وجهك والله اني صادق مبدع ياذيبان واختياراتك موفقه ..

وين ذا الغيبه تراك لك معزه والشاهد الله ..

لاهنت يا القرم وصح الله السانك والسان الشدي ..

تقبل مرور اخوك ..:)

رد : طلبتك ما تخليني

نايف ارحب يالله حيه الابداع مرور سموك طال عمرك الله يبارك فيك يالغالي لاهنت

رد : طلبتك ما تخليني

ووجهك ابيض يافلاااح ارحب يالقرم لبى قلبك الابداع مرور سسسموك طال عمرك فلااح وانت لك معزه لبى قلبك

رد : طلبتك ما تخليني

اخوي المبدع وصاحب الذوق الراقي ناصر
ما تطرح من القصائد و ألاختيارات المميزه
لاتستغرب منك فانت فعلا مبهر ورائع جداً
اسمك يستوقفني دائماً واستمتع بطرحك
وارجو ان لاتغيب عنا وان تسعدنا دائماً
اخوي الغالي لك مني كل الود والتقدير الخالص

رد : طلبتك ما تخليني

الله يعز قدرك يالغالي على هالكلام الطيب اللي نابع من قلب طيب والله يغفر لي ما لا تعلمون ويجعلني عند حسن ظنكم
وانا اكرر واقول تلميذ عند كل شاعر وكل متذووق ورحم الله امرء عرف قدر نفسه
لاهنت يابو معتز بارك الله فيك وفي حضورك يالغالي

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود