|
المجاعه
اخواني لايسعني بعد مشاهدة هذا الطائر الذي ينتظر الطفل ان يموت وياكله ولذي هز العالم اجمع الا ان اكتب هذه القصيده امل ان تحوز على رضاكم جميع وان ينفع الله بها من اسرف وتجاهل اخوانه المحتاجين قصيده (المجاعه) بسم الله الرحمن الرحيم يالله يامنشـــي المــزون المراهــــــيش @ تجــبرعـــزا قلــــب تزايـد رهــيشه ســـود الليالــي نوخـــت جلـت الجـيش @ والجــــوع نوخـــنا بــخيله وجــــيشه وش عاد باقــي تنتظـر ياابرق الريش @ اقـلــط على اللي نتـف الوقـــت ريــشه مــخلابك ارحــم مــن ســنين ملاويش @ وقدهــي علــى ماقــيل فرســت وليشه خـل الظلــوع الهقـف صـلع مــعاريش @ في القيض لجـل الدود تبقـى عريــشه بركت مـن لحـي السنيـن المحـاشيش @ اللي لحـت حتـى الدبــش مع حشـــيشه شــــف فعلها بيــــن الحــنايا المباريش @ نود المجــــاعه يوم تــــذرا بريـــشه لا تلزمك شيمه وانا مـــقدر اعــــــيش @ ســـــجلني التاريــخ غــــلطة مـعيشه لاكن قـــبل تجعل ضلوعــي مناطـيش @ احفـــظ وصـات اللــي لحـاها نطيـشه ياطــير علــم راعـي الكـــبر والطـيش @ رد الخــبر للــــــي تجاهــــــر بـطيشه راعى الصحون اللي ملاها من العيش @ والحـزم يـــندى مــن لحمها وعـيشه رد الخـبر للـــي زبـرها كـما الهيـــش @ وحنــى غــدينا بيــن حــيشه وهــيشه قل له وحوش الجوع وردت مواحيش َ@ والدار وأهـــل الـدار صــارت وحـيشه الرابط للاستماع http://www.youtube.com/watch?v=sEkEpmisy7c |
رد : المجاعه
صح لسانك وبيض الله وجهك يا عبد العزيز انشهد انك ما قصرت ونبهت عن أمر مهم جدا
ونصك يبيض وجهك و انت كفو |
رد : المجاعه
صح لسانك
والله يكفينا من الجوع والله حنا فيي نعمه ولاكن لا نشكر الله عليها يا اخي فيه ناس مبذرون في الانعام من اجل السمعه والصيت ما ييشوفون المجاعه في الدول الفقيره بل يناضرون ولا يحمدون الله على النعمه التي اعطاها الله اليهم يقول الله سبحانه وتعالى (ولان شكرتم لا ازيدنكم) لاهنت على النشر والتذكير والموعظه بارك الله فيك ونفع بك الاسلام والمسلمين مشكووووووووووووووووور تحياتي |
رد : المجاعه
صح لسانك وبيض الله وجهك يا عبد العزيز مدد بلا عدد
ونصك يبيض وجهك و انت كفو تقبل مروري يا القرم |
رد : المجاعه
اقتباس:
صح بدنك يابن عمي ولا هنت على مرورك ...ماعليك زود يالقرم |
رد : المجاعه
اقتباس:
امين الله لايهينك ونا خوك يالقرم على مرورك بيض الله وجهك |
رد : المجاعه
أرحب يا الخنفري ..
صح الله لسانك .. قصيدة أكثر من رائعة .. لاهنت أخي عبد العزيز .. |
رد : المجاعه
اقتباس:
صح بدنك يالقرم لاهنت ونا خوك على مرورك ابيض وجه اشكرك |
رد : المجاعه
اقتباس:
تسلم يابن نملان بيض الله وجهك يامشاري والله لايهينك يالقرم لمرورك والاروع حظورك ونا خوك |
| الساعة الآن 02:44 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com