شهيد الواجب الجندي أول/ سعيد بن جابر بن محمد ال سلمان الحرقان
 

أبيات موجهه من الشاعر/ علي بن سالم بن شبله ال سلمان الحرقان إلى جده لأمه / جابر بن محمد ال سلمان الحرقان والد الشهيدالجندي أول: سعيد بن جابر........



أصبر على حكم المقادير يا جــــــد *** وما قدر الرحمن لابد نرضـــــــاه


حكم الإلـــــه اللي من الخلق يعبد *** ربٍ سميعٍ يسمع إلمن ترجـــــــاه


مرحوم يا درع الوطن وافي العد *** مرحوم يا من حن إنتومس بطرياه


شهيد واجب مات ما خــــان للعهد *** جمل أبوه اللي تعب له وربـــــاه


بـــذل حيــــــاته دون شــك وتــردد *** للدين ثم الدار يا طيب مجنـــــــاه


عالسلم سلم وضد من كان له ضد *** يالله عسى الجنه مآله ومنصــاه


ويالله تزعزع كل كــــــافر وملـحد *** وأمنعه من لذة حياته ودنيــــــــاه


سوات هالحوثي وربعه هل الفسد *** ومن رادنا بالسوء خيب نوايـــاه


ويارب ترحم راعي العز والمجـد *** وتعيضه الجنه وتدمح خطايــــــاه


وختامها أصبر عالمقادير يا جــد *** وما قدر الرحمن لابد نرضــــــــاه




الشاعر/ علي بن سالم بن شبله ال سلمان الحرقان..

رد : شهيد الواجب الجندي أول/ سعيد بن جابر بن محمد ال سلمان الحرقان
 

اررررررحب يابو سالم

والله يجبر عزاكم في الشهيد والله يقبله

صح الله السانك يابن شبله مدد بلا عدد

رد : شهيد الواجب الجندي أول/ سعيد بن جابر بن محمد ال سلمان الحرقان
 

.


صح لسانك يابن شيله وابيض وجه


الله يجبر مصابكم ويعوضكم خير والشهيد ما يموت بل حي عند ربه يرزق




وياليتك تجمع هذه القصيده مع الموضوع اللي في المجلس العام المثبت لتبقى في مكانها

الطبيعي وتقراء مع شهداء الواجب ولك ان تنقلها او نطلب من الاداره

نقلها اذا رايت ان موقعها هناك افضل



تقبل تقديري واحنرامي وحكاي والسلام




.

رد : شهيد الواجب الجندي أول/ سعيد بن جابر بن محمد ال سلمان الحرقان
 

البقاء يابن راكان والله يسمعلك ولاهنت يالغالي

رد : شهيد الواجب الجندي أول/ سعيد بن جابر بن محمد ال سلمان الحرقان
 

صح بدنك ولاهنت يالغالي

أما بالنسبة لنقل القصيدة فتصرف تطول يابن الشايب والله ما أعرف كيف أنقلها....

رد : شهيد الواجب الجندي أول/ سعيد بن جابر بن محمد ال سلمان الحرقان
 

أخوي علي بن شبله

أولا : أحسن الله عزائكم وألهم أهله وذويه الصبر والسلوان إن الله سبحانه عزوجل القادر ع ذلك ..

ثانيا: أسأل الله الكريم أن يسكنه الجنه وأن يحقق له وعده مع الصديقين والشهداء ..

ثالثا: هذا الموقف مشرف وفي واجبه دون وطنه صح لسانك وبيض الله وجهك والقصيد قليل في حق هؤلاء الأبطال

لك مني خالص الشكر ...

رد : شهيد الواجب الجندي أول/ سعيد بن جابر بن محمد ال سلمان الحرقان
 

رد : شهيد الواجب الجندي أول/ سعيد بن جابر بن محمد ال سلمان الحرقان
 

آآآآآآآآآآآآآآآآآآآآآآآآآآآآآآآآآآآآآآمين
الله يسمعلك ويتقبل دعاك وبيض الله وجهك يابو مبارك ولاهنت يالغالي

رد : شهيد الواجب الجندي أول/ سعيد بن جابر بن محمد ال سلمان الحرقان
 

صح بدنك ومرور مشرف حقيقة وبيض الله وجهك على كل حال

ولاهنت يالغالي

رد : شهيد الواجب الجندي أول/ سعيد بن جابر بن محمد ال سلمان الحرقان