شبكة قحطان - مجالس قحطان - منتديات قحطان

من صندوق البريد

السلام عليكم

تبي تتعلم ورقه ؟

تبي الناس تقول عنك لعيب؟

تبي اسمك يكون معروف في القهاوي ؟

تبي الناس لمن تشوفك تقول ممكن تلعب معنا وانت ترفع خشمك وتتكبر؟

هنا الحل الوحيد لتحقيق احلامك ... اخذ الشور .. من راس الثور

ادخل هذه الدورة المجانية

تعريف البلوت + وقتها ؟

البلوت هي لعبه مايلعبها الا انسان فاضي يعني انسى انك تكون معروف او مسؤل ان تلعبها

وقتها من بعد اذان المغرب الى الليل وبعدها الورقه تظلم

شروط البلوت :

-ورقه

-4 اشخاص فريقين

-فهم شروط اللعب

-فهم شروط المشاريع

-فهم شروط العد

شرح الشروط

الورقه

طبعا الورق يكون مجموعه 32 ورقه والورق عندنا يخلف الى 4 انواع

وكل نوع له اسم خاص فيه ( شيريا ديمين سبيت هاص)

شكل الشجره ذا في كل الحضارات اسمه شيريا بالبدوي والحضري

http://www.qahtaan.com/works/up/get....mntu1259924362

اما المعين الاحمر ذا بالبدوي اسمه ديمن وبالحضري شوكت

http://www.qahtaan.com/works/up/get....lrst1259924521

اما اللي يشبه الفطر الاسود اسمه بالبدوي سبيت وبالحضري كاله

http://www.qahtaan.com/works/up/get....tuwx1259924579

اما ذا اللي يشبه القلب الحمر اسمه بالبدوي هاص وبالحضري لال

http://www.qahtaan.com/works/up/get....svwy1259924625

الورق اللي يلعب به هو ( الاكه - الشايب - البنت - الولد - العشره - التسعه - الثمانيه - السبعه )

يعني الباقي ارميه او اعطيه اخوانك يلعبون به سوق

طريقه توزيع الورق

طبعا لمن تجلسون كل فريق قدام بعض

الطريقه تجلس وخويك قدامك والفريق الثاني على يمينك ويسارك

توزيع الورق يكون انت تخبص الورق زي الزلمات ولمن تستعد تعطي اللي على يسارك قله قطه عاد انت تسمح له بحركه

وحده بس وبعدها تاخذ الورقه منه بدون ماتخبص ولا شي

ترمي للي على يمينك 3 اورق وترمي لخويك 3 اوراق وللي قص 3 اورق ولك 3 اورق وبعد مايكتمل لكل لاعب 3 اوراق

تعيد للي على يمينك وقتين وخويك ورقتين واللي على يسارك ورقتين وانت ورقتين وتحط ورقه في النص اسممها راس

المال وياخذها اللي يشتري

ملاحظات على التوزيع :-

- في حال التوزيع انتبه اي لاعب ياخذ اكثر من حقه

- التوزيع يكون بطريقه غير مكشوفه لاحد حتى للموزع ( بس تكون عارف انك معطيه 3 اوراق او ورقتين غير كذا لا )

- في حاله كشف ورقه يحق للمتضرر انه يطالب باعاده التوزيع

الشرا

الشراء عندنا نوعين اما صن او حكم

الصن

يكون فيه رمي اقوى الاوراق لمصلحه فريقك وتحاول انك تعطي اقل الاوراق للفريق الثاني

مجموع نقاط الصن 26 نقطه واذا كان الفريق المشتري ماخذ اقل من 13 يكون خسر والفريق الثاني ياخذ 26نقطه كامله

طيب نجي لترتيب الاوراق في حاله الصن من الاقوى من اليسار الى اليمين واللي مايفهم وشو من اليسار الى اليمين

نقوله القوه تكون كانك تشحن بطاقه سوا

http://www.qahtaan.com/works/up/get....snkd1259924780

يعني الاكا - العشره - الشايب - البنت - الولد - التسعه - الثمانيه - السبعه

ملاحظات على الصن :-

- كل المجموعات الاربع نفس الترتيب

- في حاله ان اول واحد رمى الورق حط اكا يجب على كل اللاعبين انهم يحطون نفس الشكل واذا ماعنده يصير امر

استثنائي وفي حاله ان اللاعب الاول رمى سبعه شيريا واللي بعده رمى 10 كاله واللي بعده رمى 10 ديمين واللي بعده

رمى 10 هاص ياخذها اللاعب اللي رمى 7 الشيريا لان مافي احد زيه وهو الرامي الاول

- في حاله وجود غش يعني احد مانزل نفس الشكل وبعدها اكتشف ان عنده نفس الورقه الشكل تحسم الجوله وياخذ

الفريق الاخر 26 نقطه

في حاله الحكم

ونقاط الحكم 16 نقطه واذا كان الفريق المشتري ماخذ اقل من 8 يكون خسر والفريق الاخر يكون اخذ 16 نقطه كامله

اقوى الاوراق في الحكم

http://www.qahtaan.com/works/up/get....w5kj1259924870

نفس الطريقه من اليسار الى اليمين ( الولد - التسعه - الاكا-العشره- الشايب- البنت-الثمانيه - السبعه)

خصلنا طريقه الشراء

المشاريع

ترتيب الاوراق في المشاريع

http://www.qahtaan.com/works/up/get....nep01259924948

المشاريع من الاشياء المهم اللي تخسر او تنجح الشرا

انواع المشاريع ( السرى .. الخمسين .. الميه .. اربع ميه)

السرى وهي 3 اوراق من نفس النوع متتالين

وينحسب في الصن 4 وفي الحكم 2

يعني اذا كان في الجوله سرا واحد فقط

الصن يصير ب30 والحكم يصير ب18

يعني كل مازاد سرا زاد في الصن 4 وفي الحكم

مثال على السرى

http://www.qahtaan.com/works/up/get....qvwy1259925015

ملاحظات :

- اذا كان عندك سرا والفريق الثاني سرا لازم تسال اللي عنده سرا تقوله وش اكبر شي في سراك بيجاوبك وانت شوف

اكبر شي في سراك الاكبر ينزل والثاني يرقد

الخمسين

الخمسين تكون 4 اواق متسلسله من نفس النوع

ويحسب بالصن ب10 والحكم ب5

يعني يصير الصن ب36 والحكم ب21

مثال على الخمسين

http://www.qahtaan.com/works/up/get....nops1259925105

ملاحظه الخمسين :-

نفس ملاحظات السرا تسال لكن اذا كان في احد عنده سرا ماعليك فيه بدون ماتسال انت نزل خمسينك

الميه

تكون بطريقتين

الاول 5 اوراق نفس النوع متتالين

الثاني يكون عند 4 شياب او 4 بنات او 4 اولاد او 4 عشرات

حسابه في صن ب20 والحكم 10

يعني يصير الصن ب46 والحكم ب26

مثالين عليه

مثال على 5 اوراق متتاليه

http://www.qahtaan.com/works/up/get....wzfi1259925170

مثال على الميه ام الشكل الواحد

http://www.qahtaan.com/works/up/get....motv1259925230

ملاحظات الميه

- اذا احد عنده ميه تسال لكن اذا مافي الانت ماعليك باحد نزل ميتك ولايهمونك العذال

الاربعميه

وهي عباره عن 4 اكك وهي اقوى مشروع

http://www.qahtaan.com/works/up/get....tvwx1259925292

تحسب في الصن ب40

يعني يحسب الصن 26+40=66

ملاحظات الاربعميه

اذا كان عندك اكك والحاله حكم تقول ميه

الى اللقاء في الجزء الثاني

اللي عنده اي استفسار او ما فهم يسأل منصور العبد الله ...

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود