شبكة قحطان - مجالس قحطان - منتديات قحطان - رد على قصيدة متعب الروقي في اخيه مشعل بن جليغم وقبيلة قحطان

- مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)

رد على قصيدة متعب الروقي في اخيه مشعل بن جليغم وقبيلة قحطان

بسم الله الرحمن الرحيم
هذا رد على قصيدة الشاعر /متعب العالي الروقي في اخيه مشعل بن تركي بن جليغم زقبيلة قحطان.ابوصالح كفو ويستاهل العلم الغانم والناموس, ومشعل اوكل علي هذه المهمه الصعبه بالرد على الشاعر الكبير ابوصالح..وعسى الله يجملنا ونرتقي بالقصيده الى مستوى قصيدة الشاعر متعب العالي. ولاهو غريبه الطيب من عتيبه بيض الله وجيههم
واترككم مع القصيده واطلب من الشاعر متعب العالي الروقي ان يسامحنا على القصور وهو يستاهل اكثر من القصيده. لاهو ولا قبيلته عتيبه
.

[poem=font="Simplified Arabic,6,blue,bold,italic" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
هات القلم ياصاحبي واكتب من الشعر ارتجال=طاب القصيد وطاب لـي موالهـا والحانهـا
استرسل المعنى وعدا النايفات مـن الطـوال=المفرده بالسيـر حثـت طرقهـا واوزانهـا
لادرهمت شردالقصيد وعانقت وسع الخيـال=تفجـرت كـل المواهـب فتحـت بيبانـهـا
ايقودها سلك الحرير وتستشف مـن الجمـال=ياسعـد عينـن بالجزايـل واجهـت ديانهـا
يامتعب الروقي عريب الجد من عم وخـوال=انتم هل الطـولات ساحتهـا وكـل اركانهـا
انتم بيوت الجود كبر الشاهقات مـن الجبـال=لطامت العايـل ومكرمـت اللحـا ضيفانهـا
فالمعضلات النايبات اعتيبـه الهيـلا اجمـال=لاضاعت الفزعـه فهـم حدانهـا وواطانهـا
اهل السيوف اللامعه واهل القنا واهل السّلال=واهل المواقف لاختلط مـع عجهـا دخانهـا
في ذا الحياه الفانيه راس الطمع كسب الرجال=رفقة رجال العرف مثلك شاننا مـن شانهـا
من لا كسب في شبته نيل المراجل والمعـال=العـز فاتـه والمعـزه يرتخـي ميزانـهـا
ومن لاتوفق ماتجمـل فالحضـور وفالمقـال=الله هو الوالي على نفـس الفتـى واحسانهـا
قلته وانا من لابة لادندنـت حـرب وقتـال=بسيوفهم ماتقطع الا الـروس فـوق امتانهـا
قحطان قحطان العريبه لا ألتباس ولا جـدال=تموت عز ولاحـدن يقـرب علـى حدانهـا
والخاتمه يامتعب الروقي اليا جالـك مجـال=علي الطلاق انك مسكـت المرجلـه بعنانهـا[/poem]

اخوك/ نواف بن عــبـيــد بن جــلــيــغـم