اهــــداء خاص (لبن جليغم) وعام لكافة قبيلة قحطان العريقة
 

السلام عليكم ورحمة الله وبركاته:
إليكم هذه القصيده وهي (مدح في اخي العزيز الفاظل / مشعل بن تركي بن جليغم القحطاني وقبيلته العزيزه)
ومناسبتها عندما سئلت من احد مشرفين المنتديات , من هو الشخص الذي تهدية بيت من قصيده , فأخترت هذا الشهم والحمد لله اني وفقت بالاختيار,
اعتذر عن القصور بسبب اني لم أوفي هذا الشخص وقبيلته حقهم فالمدح ولاكن ربما يخون التعبير والقدر فالصدر
اتترككم مع القصيدة
[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يابن جليغم جيت في بالي بعد وصل السؤال=لنك وفي والمرجلة بالمختصر سجانها
عز الخوي والطيب والنخوة وفزعات الرجال= تقولها وتطولها وانت الزعيم بشانها
متسلسلٍ من روس قومٍ يوم صكات اليال= بنو بيوتٍ عامرة ماتختلف سيسانها
قحطان ساس الطيب شيالة حمولٍ ماتشال=لا والله ألا ستر من قفا الزمن بخوانها
ربعٍ على الشدة ليا حلت مثل وبل الخيال=ميزانها مايختلف مايختلف ميزانها
لاحدتك سود الليال وصكت اليمنى الشمال=وشحتبك الايام والقلة حضر شيطانها
قدمك عيال العود فالشطه يمدون الحبال=لارحبو بك ششت والغتره تطش عنانها
ربعٍ على وجه الكرة يرسون اشد من الجبال= نعم الرجال متيهة حمر النعم ذرعانها
قلته وانا واحد من الهيلا كريمين السبال=العزوة الي بالوفا ماينطفي نيشانها
اسمع وانا ابن روق بحلفلك ولله الكمال=انك وفي والمرجلة بالمختصر سجانها[/poem]
اخوكم/ متعب الروقي

رد : اهــــداء خاص (لبن جليغم) وعام لكافة قبيلة قحطان العريقة
 

يستاهل رفيقنا القحطاني

ولا قلت ذي القصيدة الا من وفاك وطناخة راسك

لا هنت

رد : اهــــداء خاص (لبن جليغم) وعام لكافة قبيلة قحطان العريقة
 

أرحب يا متعب ..

وصح الله لسانك واعتلى شانك ..

ونعم بك وبـ ابن جليغم .. هو كفو وأنت كفو ..

لاهنت يا العتيبي ..

رد : اهــــداء خاص (لبن جليغم) وعام لكافة قبيلة قحطان العريقة
 

رد : اهــــداء خاص (لبن جليغم) وعام لكافة قبيلة قحطان العريقة
 

بيض الله وجهك يالعتيبي

وأبن جليغم الفهري كفو ويستاهل المدح

لاهنت ياطير شلوى

رد : اهــــداء خاص (لبن جليغم) وعام لكافة قبيلة قحطان العريقة
 

هاكذا القصائد وللا بلاش فيمن يستحقها صح السانك

وعتلا شانك جزل من جزلين

رد : اهــــداء خاص (لبن جليغم) وعام لكافة قبيلة قحطان العريقة
 

شكرا اخواااااااااااااااني على الكلام الطيب

ولاهنتو جميعا على مروركم

رد : اهــــداء خاص (لبن جليغم) وعام لكافة قبيلة قحطان العريقة
 

اررررررررررحب يالروقي


صح اللسانك على القصيدة الجزله وابوتركي يستاهل ولاعليكم زود ياعتيبه وانتم وافين وافين


وتقبل جزيل شكرررررررررري



اخوك / محمد بن عبيان الفهرررررررررررررررري

رد : اهــــداء خاص (لبن جليغم) وعام لكافة قبيلة قحطان العريقة
 

هلابك يابن عبياااان

وشكرا على مرورك

والطيب منكم وفيكم ولايستغرب منكم ماتقولون طالت اعماركم جميعا

رد : اهــــداء خاص (لبن جليغم) وعام لكافة قبيلة قحطان العريقة
 

ارحب يا متعب




صح الله السانك مدد بلا عدد


وبن جليغم يستاااااهل كل علمن طيب ان شاءالله



ولا عليك زود انت وربعك العزاز على قلوبنا والكاذب في النار


تقبل مروري يا الغالي


وعيد الله عليك مبارك