|
بنشدك عن نور القمر وشلون نوره .....
بسم الله الرحمن الرحيم.
قصه حقيقه حصلت في قريه قريبة من مدينة الرياض كان هناك شاب اسمه عايش يعيش في هذه القريه وكان يحب بنت اسمها نوره في يوم من الايام ذهب عايش لكي يخطب نوره ولكن ابو نوره رفض لانه عايش كان على قد حاله وما عنده حلال ولا عنده فلوس كثيره فشاف عايش نوره عقب ما طلع من عند ابوها ....وقالها نوره انا راح يصير عندي فلوس وراح اشتغل وراح ارجع اخطبك واتزوجك .... ونوره كانت تحب عايش فوافقت انها تنتظره.... سافر عايش وصار يشتغل في التجاره ومرت الايام وصار عنده فلوس ورجع لقريته عشان يطلب يد نوره من جديد ويتزوجها ولكن لما رجع القريه تفاجى انه نوره تزوجت لانه ابوها اصر عليها انها تتزوج وكان عندهم البنيه لازم تتزوج اذا جاها شاب قادر على الزواج.وتفاجى ايضا انه ومو بس تزوجت بل هاجرت الا مكان ثاني مع رجلها ولا احد من القريه يعرف المكان.فقام صاحبنا عايش وقال بيت شعر (ابنشدك عن نور القمر وشلون نوره) وقرر يسافر ويدور على نوره. http://www.qahtaan.com/works/up/get....rswy1258628450 ومر على القريه الاوله وراح وسلم على امير القريه وقاله انا عندي لغز والي يجاوب عليه بعطيه كل حلالي فقاله الامير وشو اللغز قال( ابنشدك عن نور القمر وشلون نوره؟) احد الجالسين قال له ابيض ... واحد ثاني قاله اصفر ...وكل الاجوبه غلط محد عرف حل اللغز.فسافر الى قريه ثانيه وطرح عليهم نفس اللغز ومحد عرف الجواب راح للقريه الثالثه وكان تعبان من السفر فقالهم انا عندي لغز والي يعرف يحله بعطيه كل حلالي قالهم (ابنشدك عن نور القمر وشلون نوره؟) محد عرف الجواب فقالهم انا اليوم بنام عندكم لاني تعبان والي يعرف الجواب يقوله لي الصبح ومن بين الحضور كان زوج نوره موجود فرجع للبيت وقالها ... نوره قالتله سم ... .قال جانا اليوم واحد خبل يقول عندي لغز والي يحله بعطيه مالي وحلالي كله فقالتله قولي وشو اللغز يمكن احله قالها (ابنشدك عن نور القمر وشلون نوره؟) فبتسمت نوره وقالتله عرفت الجواب قالها صدق ... قالتله قوله (مثل السمك في البحر وشلون عايش؟) فقام الصبح رجل نوره وراح وقاله انا عرفت الجواب فقاله وشو الجواب .. قاله (مثل السمك في البحر وشلون عايش؟) فبتسم عايش وقاله هذا مالي وحلالي وسلملي على نوره ودمتم |
رد : بنشدك عن نور القمر وشلون نوره .....
فقالتله قولي وشو اللغز يمكن احله قالها (ابنشدك عن نور القمر وشلون نوره؟)
فبتسمت نوره وقالتله عرفت الجواب قالها صدق ... قالتله قوله (مثل السمك في البحر وشلون عايش؟) هههههههههههه ....... حلو الرد الف شكر لك اخوي |
رد : بنشدك عن نور القمر وشلون نوره .....
هههههههههههههههههههههههههههه
حلوا الاخراج ... انتهت القصه بابتسامه وقال سلم لي على نوره ؟؟؟؟؟؟ زين ان رجل نوره ما فضخ راس عايش <<<<<<< شكله خلفه خخخخخخخخخخخخخخخخخخ خذا الحلال ودّبـــر عصيدان ههههههههههههههههه بس والله ان القصه حلوه يا ابو عصام |
رد : بنشدك عن نور القمر وشلون نوره .....
خخخخخخخخخخخخخخخهه
قصه جميله لو أنها غير مقنعه تشكر يابو عصام على القصه الجميله |
رد : بنشدك عن نور القمر وشلون نوره .....
مثل السك كيف عايش
عشتوا جميع |
رد : بنشدك عن نور القمر وشلون نوره .....
الصوووووووورة خياااااليه
|
رد : بنشدك عن نور القمر وشلون نوره .....
ههههههههههههه
النهاية ما أعتقد بصحتها .. كان فضخ راسه زوج نوره .. حتى ذيك الساعه نشوف بيعيش عايش والا لا .. |
رد : بنشدك عن نور القمر وشلون نوره .....
مشوها يا شباب .. لا تحطموني .. وانا مريض
|
رد : بنشدك عن نور القمر وشلون نوره .....
خلاص يابو عصام
مشت من عندي دام مريض مافيه مشكله يمكن أنه يقول له سلمني على نوره لنها بنت عمه وتقرب له ويمكن أنه يدعي أنها أخته من الرضاعه فمشت ولا حد دقق عليه |
رد : بنشدك عن نور القمر وشلون نوره .....
اقتباس:
ابو جابر http://www.qahtaan.com/works/up/get....x0dq1258683975 |
| الساعة الآن 03:56 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com