نعنبو حب(ن)بنزل راس عالي _اول مشاركه واول محاوله
 

سلام عليكم ياربعي هذي اول مشاركه واول قصيده اكتبها ويا الربع كان فيه بيت مكسور علموني لكن بلين لا يصيبني الياس عقب مره معاد اكتب والله كتبتها من حر مافيني وياليت تعجبكم وتعطوني رايكم للعلم فقط حقوق النشر محفوظه لاخوكم محمد بن مسفر بن شطفان ال روق القحطاني ويقول فيها الي هو انا:
ذيب عوى من فوق رووس الجبالي..............وهيض شجوني وخلى الدمع يسيل
ياليتني مثلك اعوي لضاق حالي.......................ليت المطالب في تمني العليل
تجري السفن على كيف الموج العالي..............ترى الشجاعه ماتكفي لمدح البخيل
كنت احسبه انه ذخري لسود اليالي................واثره يجرعني السم بالفناجيل
انغريت به سهل الصعب وارخص الغالي.........وصرت اتبع سرابه مثل هالمهابيل
ضيعني وخلاني اشطح بخيالي.......وهوسمومت(ن) الي يدفع يشيل
مغرور وغرك الحسن والجمالي.......كانك انت الجدي فانا نجم سهيل
والمساله سهله مايحتاج لها حلالي.........كلن بدربه والامر تساهيل
يقولها لي وبنبرت صوته تعالي.........وهو حامس كبدي حمس البن والهيل
بصبر على الفرقا لونك غالي.............وشلون ماصبر وانت لغيري تميل
ابحث عن الراحه مثل العقالي........... ترى الانفجار يبدا بشبت فتيل
وخذ االعلم مني وافهم مايقالي.............زلمن زحفنا اصبحنا كما السيل
لمن رضينا اصبح الخير همالي........... ولمن زعلنا ترى شرنا مو قليل
قحطان حنا مثل نجم يلالي............ نهز نجد وبغداد بحافر الخيل
بذاك الزمن كنا مضرب امثالي......جوك قحطان يعني ترى جاك الويل
دوا لصاحب ولعدوهم سلالي...........ربعي عزوتي لمن صار همي ثقيل
ذيابه ترقى فوق رووس المعالي......يحمون ديارهم بحد السيف الصقيل
يا نعنبو حب(ن)بنزل راس(ن)عالي...يصبح من عقب العز انسان هزيل
وانا ترىلي قلب ذيب مايبالي............يموت بكرامه ولايحيى ذليل
واعرف ترى عزتي هي راس مالي......وخل بنفعك الي صرت يمه تميل

وسلامتكم وياليت ان كان به تعليق يكون بسلوب جيد هادف اتصحيح فقط لا للستهزاء وشكرا.

قصيده جميله وفيها معاني ايضاً جميله

بس هناك بعض الأخطاء البسيطه ارجو منك القراءه في كتب الشعر

لتستفيد اكثر وانت مشروع شاعر راائع وقادم بقوه ان شاء الله

بالتوفيق

اخوي ابومسفر
ارحب

وصح لسانك مدد مهوب عدد

واهنيك والله على شجاعتك وطرحها للنقد
وهاذي باذن الله خطوة من خطوات النجاح والابداع

بالنسبه للقصيده
فهي من ناحية احاسيس رائعه لكن كونها قصيده
هناك اختلال في الوزن بعض الشي
وكونها اول كتابه لك اهنيك باذن الله
نشوفك من الشعرا المبدعين في القريب العاجل

ارجع للقصيده

شف صدر البيت الاول (الشطر الاول )
موزون ماشي اللحن مضبوط لكن العجر للبيت (الشطر الثاني ) اللحن اختل هذا يدل على ان الوزن مختل

عندك بعض الاشطر موزونه
وفيه خل في اشطر كثيره
انت شف لحن البيت الشطر الاول يعني غنه وحاول تمشيه على كل القصيده كامله وراح تضبط معك باذن الله
ومستقبلا حاول تقتبس لحن اي اغنيه او نشيد
وتجاريها باللحن في قصيده ولكن تغير القوافي والكلمات
وان شاء الله تمشي معك وترا الامور سهله
وشف فيه موضوع كتبته انا باسم طريقة وزن القصيده اقراه وحاول تستفيد منه
وانا ان شاء الله اشوف فيك ان شاعر مبدع ان شاء الله بس مع القراءة للقصايد بكثر وانت تقرا القصيده حاول تغنيه او تلحنها وشوف كيف يمشي معك الوزن عشان تتعلم طريقة الوزن صح
وان شاء الله في القريب العاجل نشوفك من الشعرا اللذين يشار لهم بالبنان
ونفخر فيك وفيك ربعنا كلهم
هذا اللي عندي واتمنى ان اكون افدتك مثل ما استفدت انا منك

تقبل تحياتي اخوك
محمد العجرشي

ارحب يابن شطفان

مساك الله بالخير وكيف الجماعة في الكويت

عسى كل بخير 0

القصيدة كايفة 00000 الا انها
00 تبي لها وزن فقط

الكلمات منتقاة والقافية احسنت اختيارها

الذي ينقص القصيدة هو الوزن فقط00

لا هنتوا على مروركم جميعا قحطان ومحمد اشكرك على النصايح والمكابسي ولا هنتوا وابشرك الربع كلهم بخير يسلمون عليك.

لاهنت ياسيف وربك يسهل ومحمد بن جفين عزالله ماقصر وبيض الله وجيهكم جميع وان شا الله نحاول نظبطها.