" فواتير الجهالة "
 

[poet font="Arial,5,blue,bold,italic" bkcolor="transparent" bkimage="" border="none,4,gray" type=1 line=350% align=center use=ex length=0 char="" num="0,black" filter=""]
" فواتير الجهالة "


البارحه عيني سرت متمرده=من مضجعي كنها خذت موقف عزوف
وافكار فكري مصدره ومورده=على عدود الهم تملا " لضروف "
والصدر فيه النار تلهب موقده=وعيوني تحاول تكذب ما تشوف
وش ذنبها ارواح ناس مجنده=في خدمة " مواطن " تباشر ما تعوف
وش ذنبها اسرة بريئه مجاهده=في صف جيش الستر في وجه الضروف
وش ذنبها حره بريئه ماجده=تترمل وتتلعثم بدمع الحسوف
وش ذنب طفل صغير يفقد والده=يتيتم ويصبح بتعداد الضعوف
وش ذنبها ذيك العجوز الساجده=تبكى القمر وتعيش في ليل وخسوف
وش ذنبه الشايب يفارق " مسنده "=والشمس عنه تغيب في رحلة كسوف
وش ذنبها اسرة بليله راقده=تصبح تشق الجيب تلطم بالكفوف
وش ذنبها " وجدان زهرة " مورده="زهرة " تمثل كل الوان الطيوف
وش ذنبنا نزرع سلام ونحصده=طعنه توسط غدر ما بين الكتوف
وش ذنبها ارض الحرم متكبده=تدفع " فواتير الجهالة " بالألوف
ارض(ن) بها تبقى العروبه شاهده=على أصالة شعب في وجه الضيوف
من كل حدب وصوب يكرم وافده=الطيب فاله كل ما اشر للأنوف
يالله تسود ذا الوجيه الملحده=إلي على الفتنه برجليها تطوف
عقولها تحت الصفر متجمده=وبرد الضلاله ما تدفيه الخفوف
من غيها في غيها متشدده=تطرب على الفتنه وتلعب بالدفوف
مع سبق الاصرار اسرفت متعمده=تشبع به النزعه ورغبات وشفوف
سهوم ظلم وللعداله مسدده=تستورد الاهداف من وكر الجلوف
" والسيف الأملح " لا متى بنركده=مالله خلقه يعيش في حضن الرفوف
سله " يا بو متعب " وتكفى جرده=في وجه زمرة تنوي تشق الصفوف
اعطه قرار وبالقرار تعمده=في نحر صناع الجريمه ما يروف
ويالله يا حي(ن) كريم(ن) نعبده=نقطع به الايمان ونشد الحلوف
يا ربنا المعبود وحده نحمده=يا منجي(ن) بالدعوه اصحاب " الكهوف "
إن الشرار بعقر داره تخمده=ومن جنسه إتذوق هله شتى الصنوف

محمد بن دوشان القرني

اخو سلمى
[/poet]

صح لسانك

ارحب يا ابو علي
الله عليك مبدع كالعاده
صح لسانك ملايين يالجزل
والله يحمي بلدنا من شر الحساد

مرحبا تراحيب المطر يابو علي شاعر من الطراز الاول ولك بصمه واضحة في القصيد





لاعدمتك يالقرم

تسلم يا أخو سلمى

وصح لسانك

تقبل تحياتي

ألله يعطيك ألف عافيه

مشكور ولاهنت


تقبل تحياتي

أخوووك / كحـــيلان

صح لسانك