قصه اتنمنى تقرونها كاملة
 

السلام عليكم ورحمة الله وبركاته
اليوم جايب لكم قصه اثرت فيني لدرجة تمنيت ان امي ماتوفت واسهر طول ليلي تحت رجولها حسيتها جددت حزن وفاتها الله يرحمها عرفت او استوعبت معنى كما تدين تدان ولو بعد حين القصه قالها واحد من الشباب اسمه حسين كان يجتمع معنا في استراحه كنا نتجمع دايم فيها وكانت علاقتي معه رسميه يعني ماحن نسولف الا اذا كنا جماعه بس كان ونيس جدا جدا جدا كانت سوالفه تجذبني ماكان يسولف عادي لا ... كان اذا سولف كلنا ننتبه له وغصب علينا احيانا اذا كنت اسولف مع احد الشباب سالفه مهمه اقطعها عشان اسمع ايش يقول المهم ان هذا الشاب انقطع عنا يمكن حوالي الثلاث شهور فقدناه كلنا ولما نسأل خويه تركي - دايم معه- يقول ان شاء الله بيجي سكتنا وما علقنا بعد كذا يوم جانا تركي وقال عندي لكم مفاجأه قلنا هات ما عندك الا ويدخل علينا حسين يوم دخل حسيت بكتمه اول ما شفته انقطع عني النفس تماما شفته لكن كان غييييييييير الثوب قصير والشماغ بلا عقال واللحيه ماشاء الله شبر والوجه منور بشكل غريب هو كان ملتزم يصلي بالمسجد ويتسنن وكلن يشهد له بالخير لكن كان زي أي شاب يسمع اغاني ويدخن وعادي يوم قعدنا معه :ماشاء الله ابو السحس ايش جاك واقوم واطمر من بينهم واحب راسه وتقول عيوني والله ان العبره خنقتني ليش ما ادري سبحان الله فرحت له كأني انا اللي التزمت اللي يشوف شكلي يوم طمرت يقول هذا من زمان معه وبينا صداقه عميقه لكن والله العظيم اني ما ادري ايش اللي خلاني اطمر المهم يا ابني نورنا ايش اللي قلب حالك وانا شااااق البراطم مبتسم شوي ويتقطع فمي قال العلم ** ان عندي واحد اخوي بالرضاعه كنا جيران في الديره وتفرقنا يوم اشتغلنا وام اخوي اللي هي امي بالرضاعه توفت وحنا في الثلاث سنين وتزوج ابوه وكانت ام المره عايشه معاهم كانت كبيره في السن وكانت تضيع وترجع لعقلها من كبرها المهم ان في يوم كان عمري تقريب الخمس سنين كنت عندهم وكانت مرة ابوه وامها يتكلمون وهي كانت تصارخ فجأه ونطي على امها وعطيها كف واظربي راسها في الجدار الا والام طايحه ودوها المستشفى وقالوا انها طاحت انا اندهشت صح اني كنت صغير بس افهم ان الام ما تنظرب سكت ماعلمت لاحد ويجي قبل تقريب الأربع شهور واروح انا ورضيعي نزور اهلنا في الديره ويعزمني عندهم في البيت ونجي وتدخل علينا المره – مرة ابوه – وتسلم وترحب بنا وانا ما اطيقها لان منظرها ما راح من بالي – طبعا امها توفت – هي عادتني واحد من عيالها تدخل تسلم وترحب وتقهوينا وتطلع – مثل اغلب العجايز في الديره – المهم وهي تسولف معانا الا ويجي ولدها عمره يجي الــ18 او 19 وسألها عن فلوس عطاها ابوه قالت مالك دخل فيها وجا عندها وحط وجهه قدام وجهها وقال لها انا تقولين لي مالك دخل قالت واكسر راسك والمشكله قامت بينهم بالكلام وانا مستحي ابغا اطلع ولاني قادر كأن شي شلني وخلاني ما اتحرك قامت الام تبغا تروح وطالعت فيني وقالت معليش ياولدي انت واحد مننا لا تاخذ علينا ويوم قدهي طالعه الا ويجي ولدها ويتلها من شيلتها ويفصخ شيلتها ويجرها من شعرها الين داخل البيت انا في ذا اللحظه انخرست وما قدرت اجمع المنظر واللي زاد جنني ان الام ساكته ماقالت شي –كأنها حاسه ان هذا عقابها - قعدت اعرق و انكتمت وفي نفس الوقت اقول الله لايبلانا مثل ما سوت بامها ولدها سوا فيها اخوي احترق وجهه وسكت وقال يلا مشينا مشيت معاه بدون ما اعلق على الموقف ورحنا مكان نجلس فيه دايم وقالي شفت ايش صار قلت انت الله يهديك ما فرعت بينهم كان سطرت اخوك انا ابغا اتحرك بس استحيت ايش دخلني بينكم قال اسمع ياحسين هي كانت تسوي كذا بامها جاها اللي تستاهله انا وابوي ما تدخلنا فيهم عشان تاخذ عقابها في الدنيا احسن من اللآخره وقعدنا ندردش شوي وانا في بالي السالفه لو احد مكاني مستحيل ينساها عمري ما شفت كذا الا في المسلسلات والقصص اللي يتناقلونها الناس عمري ما تخيلت ان في احد كذا ولا جا في بالي ان ممكن احد يسوي في امه كذا المشكله واللي بيجنني ان الام طيبه والولد اطيب من امه لكن ايش اللي يخيلهم كذا ؟؟؟ ماني عارف !!!!!!!!!!!!!!!! والى الحين ماني مصدق اللي شفته ولا ودي اصدقه............ وهذي ياطويلين الاعمار قصة توبتي يمكن محد يفهمني او يقول ايش دخل الموضوع بس لو تشوفون المنظر بتعرفون ان الله حق ...................




حبيت انقل لكم القصه عشان الكل يتعاهد مع نفسه انه يرجع لوالدينه انسان ثاني عشان لا ينطبق عليه ** كما تدين تدان ولو بعد حين ** او يندم بعد فوات الاوان وان كانوا والدينه متوفين يدعي لهم بالرحمه والمغفره ويحاول قد ما يقدر يسوي لهم شي يزيد حسناتهم انا عن نفسي اثرت فيني القصة لكن ما ادري عن غيري يمكن لاني سمعتها ؟؟؟؟؟ او اسلوب اللي قالها كان مؤثر ؟؟؟؟؟ او القصه نفسها مؤثره ؟؟؟؟؟ <<<< اخلص :mad: .......... اعذروني طولتها عليكم ولكن ان شاء الله انها تعجبكم واشوف ردودكم :)


اخوكم : صطام :) :)

رد : قصه اتنمنى تقرونها كاملة
 

قصة مؤثرة ومعبرة

سبحان الله ذنبين عقوبتها معجلة بالدنيا الزنا وعقوق الوالدين

الله يرزقنا برهم

رد : قصه اتنمنى تقرونها كاملة
 

نسأل الله أن يرزقنا البر بوالدينا ..

لاهنت يا سطّام ..

رد : قصه اتنمنى تقرونها كاملة
 

آل معمر ** مشاري بن نملان,,,, شاكر لكم مروركم وتعطيركم لهذه الصفحه

رد : قصه اتنمنى تقرونها كاملة
 

اخوي صطام السلام عليكم

بالفعل قصة معبرة

اللهم ارزقنا البر بوالدينا

رد : قصه اتنمنى تقرونها كاملة
 

لاهنت الله يعطيك العافيه

تــحــيــاتــي