قصيدة مهداة لمجلة قطوف بعنوان ((قطوف الشعر))أخوكم الشاعر/علي الحبابي((الشاعرالطرقي))
 

[poem=font="Simplified Arabic,6,green,bold,normal" bkcolor="transparent" bkimage="" border="none,medium,green" type=4 line=0 align=center use=ex num="0,black"]
الشعر والحقايق فـي مجلة قـطــوف=وأفتخر دامني من ضمن شعـارها
تنشرالجزل والشعرالجزيل إمعروف=والجزايل (قطوف الشعر) تختارها
والثراث الأصيل اللي عليه الشفوف=وساحة الشعر فيها تاجد أخبارها
ثوبها من حرير الشعر ماهوب صوف=لبست من الذهب والفضة سوارها
(ياقطوف الشعر) وصفك تعدّى الوصوف=أنــتي الشعــلة اللي ولعّــت نارها
وأنتي الفن والابداع رغــم الظروف=والثقــافة بمعــنــاها و بآثـــارها
تجذب الكل بالطرح الجميل الشغوف=وبالـــتميز وبالإبــداع وأفـــكارها
مزنة"من شعر والبرق فيها كشوف=حركتها الهبوب وهــــلت أمطارها
ساقها البرق والرعاد قــدم القنوف=وأسبلت وأستهلت وأسقــت ديارها
والشعرذا الزمن كثرت عليه الصدوف=وساحة الشعــر شفته ثــوّر غبارها
ساحة الشعر كنّه صار فيها كسوف=والسبب ليت بعــض الناس مازارها
ودامني ياهل المعنى دحمت الصفوف=جيت و يدي ماهي تقصـر أشبارها
مهرتي تسبق الريح الشديد العصوف=مهـــرة" ما تشوف الذل في دارها
خص لي سمعت بصوت الطبل والدفوف=وصوت زير الحروب وصوت مزمارها
أقبلت كنّها عــــذراء" تهـــزّ الردوف=مــــن حيــــاها تخاف يشوفها جارها
والحقـــايق تـــراها كل عين" تشوف=أعتــرف بالحقيقة وأحــــذف ستارها
من سكت عن حقيقة مات ذلّة و خوف=وطول عـــمره يمينه تصفق يسارها
جيت أحط النقط بالضبط فوق الحروف= جيت أصوغ المعاني وأبني جدارها
ماني أقول أنا الشاعر وأنا الفيلسوف=أهـــرج بالحقايق وأرفــع شعـــارها
أتحدّى الصعايب لجل عين الهنوف=ودّي أكســب رضاها مانبي عارها
تشتكي بعد ماجاروا عليها الضــعوف=حسبي الله على اللي قطّـع أزرارها
نبذل الجهد دايم ياعسى الله يــروف=ويـاعســانا نرجّـع يمّـها ثـــارها
ونترك الحاجة اللي ماعــليها حسوف=هكـذا طبعنا ما نكشف أســـرارها
ما علينا و لو إنّ المخـــاطر تحوف=نترك صغارها في حشمة كبارها
أعرف الشعر حدّه مثــل حد السيوف=سلعة" غالية ما نرخص أسعارها
نأخــذ الجزل دايـــم والهزيل محذوف=الهزيلة لـــراعيها ومــخـــتارها
مكسب الشعر وأهله تـاج فوق الكتوف=وعالي" في صميم القلب مقدارها
وطرق جزل المعاني بالهجوس معزوف=وأغرسهـا بقلبي وأقطف ثمارها
نقطف الشعر منها يوم زان القطوف=روضة من معاني فاحت أزهارها
تشهد الناس بالجزل لمجلة قطوف=و يشهد الشعر و الساحة و مضمارها [/poem]

أخوكم الشاعر/ علي الحبابي
(( الشاعر الطرقي ))

وسلامتكم...

رد : قصيدة مهداة لمجلة قطوف بعنوان ((قطوف الشعر))أخوكم الشاعر/علي الحبابي((الشاعرالطر
 

رد : قصيدة مهداة لمجلة قطوف بعنوان ((قطوف الشعر))أخوكم الشاعر/علي الحبابي((الشاعرالطر
 

ونحن نشهد لك بالجزله يالطرقي

صح الله لسانك وفكرك وصحت يمينك

شاعر متمكن وجزل
والجزل ما يجيب الا الجزله

بيض الله وجهك يالمبدع

دمت شعرآ

رد : قصيدة مهداة لمجلة قطوف بعنوان ((قطوف الشعر))أخوكم الشاعر/علي الحبابي((الشاعرالطر
 

أرحب يا الطرقي ..

صح الله لسانك على هذه الرائعة ..

دمت مبدعاً وجزلاً كما عرفناك ..

تقبّل مروري المتواضع ..

أخوك/ مشاري آل نملان

رد : قصيدة مهداة لمجلة قطوف بعنوان ((قطوف الشعر))أخوكم الشاعر/علي الحبابي((الشاعرالطر
 

رد : قصيدة مهداة لمجلة قطوف بعنوان ((قطوف الشعر))أخوكم الشاعر/علي الحبابي((الشاعرالطر
 

رد : قصيدة مهداة لمجلة قطوف بعنوان ((قطوف الشعر))أخوكم الشاعر/علي الحبابي((الشاعرالطر
 

صح لسانك وتستاهل قطوف دامك من شعارها

رد : قصيدة مهداة لمجلة قطوف بعنوان ((قطوف الشعر))أخوكم الشاعر/علي الحبابي((الشاعرالطر
 

رد : قصيدة مهداة لمجلة قطوف بعنوان ((قطوف الشعر))أخوكم الشاعر/علي الحبابي((الشاعرالطر
 

ابو صالح



لاعجمت



صح لسانك



وقطوف غنيه عن التعريف




تختار كل جزل ومشرف



مليون تحيه لك

رد : قصيدة مهداة لمجلة قطوف بعنوان ((قطوف الشعر))أخوكم الشاعر/علي الحبابي((الشاعرالطر
 

مسيت بالخير يالطرقي ياشاعر ذايع صيته
بينك وبين العرب فرقي بيت القصيد استحليته
شكرا على القاف والطرقي بيتك ليا جاني اوحيته
هواك شرقي وانا شرقي بيت تغنيه غنيته