شبكة قحطان - مجالس قحطان - منتديات قحطان - رديه بيني وبين الشاعر ظافر بن محمد القحطاني

السلام عليكم ورحمة الله وبركاته
أَضع بين أيديكم هذه الرديه بيني وبين الأخ الشاعر ظافر بن محمد القحطاني
بسم الله الرحمن الرحيم
مني لبو محمد سلام وتقدير
في ذمتي تقدير من قلب صافي
ظافر عسى ربي يمسيك بالخير
ياالصاحب اللي دايم الدوم وافي
أعطي على شوفك كثير التباشير
وأصخر على بدع التماثيل قافي
لو بمدحك يمكن تخون التعابير
فعلك على كل المواقف يشافي
من روس قوم ما تحسب المخاسير
الضيف لا جاهم يعز ويضافي
قحطان والله والنعم بالمناعير
أهل الكرم وأهل القلوب النظافي
يكفيك لو سويت فيهم تقارير
صغيرهم تلقاه قرم وسنافي
والمدح في مثلك يخون التفاكير
لوأمدحك عامين ماهوب كافي
وأسمحلنا عن كل زله وتقصير
ياصاحبي عساك دوم متعافي

رد الشاعر ظافر وقال :

باسم الإله اللي بيده التدابير
أنظم بيوت الرد والكيل وافي
يامرحبا وأهلين عد العصافير
وإعدادماهبت هبوب السوافي
وإعداد تسبيح وحمد و تكبير
وإعداد من زارالحرم ثم طافي
يلي على نفسي يعادل طوابير
أغليه وأعزه وهذا إعترافي
يالعازمي نسل الحرار الصقاقير
ياشوق زاهية الحسن والعفافي
ياعين صقر شبحته كلما ذير
يقنب لروس النايفات الروافي
جتني بيوت الشعرحزة مسى الطير
وأردها والطير ما بعد شافي
وأبشرك صامد كما سالم الزير
وبإذن الله إنه ما علينا خلافي
واختامها فليت كل الطباشير
ماأوفيت لك لو ربع فنجال صافي[/size]

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود