( صدوف الزمان )
 

( صدوف الزمان )

[poem=font="Simplified Arabic,6,green,bold,normal" bkcolor="transparent" bkimage="" border="none,medium,green" type=4 line=0 align=center use=ex num="0,black"]
الشاعر اللي صابر و الصبر طال=الله من صدوف الزمان يخارجه
صبرت وأيامي تحدّاها الليال=وأنا حصاني فاللوازم سارجه
أونّ من جور الزمان وضيق بال=ونّة صويب طاح وإيده مارجه
هذا الزمان اللي مصيره للزوال=ماعاد يعرف داخله من خارجه
ماأحبّ فالدنيا سوى عرف الرجال=وهرج يعيب الرجل ماني هارجه
وخوّة خوي كفوعندي رأس مال=قرم سنافي عَـــــارف مخارجه
الكفومهما طاح ينهض بالثقال=وألّا الردي ما في عيونه دارجه
وراع البخل ماله على العليا مجال=والطيب كسّابه صعد معارجه
والرجل لو لبس العمامة والعقال=لابدّ يأتي في طريقه عارجه
وابن آدم يحاسب على فعله عدال=والكلمة اللي من لسانه خارجه
الله يعين اللي عليه الوقت مال=ودموع عينه فوق خده دارجه
الشاعر الطرقي طلب ربه وقال=الضّيق ياربّي عسى إنّك فارجه[/poem]

الشاعر/ علي الحبابي
(الشاعرالطرقي)

[

رد : ( صدوف الزمان )
 

قصيدة رهيبة تستحق التكرار والاعادة
لا يمكن حصر اماكن الجمال فيها

رد : ( صدوف الزمان )
 

ارحب يالشاعر الطرقي


وصح لسانك على السالفه الطيبه


لاهنت

رد : ( صدوف الزمان )
 

رد : ( صدوف الزمان )
 

أرحب يا وجه الهوجّة ..

وصح الله لسانك .. واعتلى شانك ..

كما عهدناك شاعر جزل ..

تقبل مروري

رد : ( صدوف الزمان )
 

الطرقي بيض الله وجهك اخوي على هذي القصيده الوافيه
تقبل مروري
اخوك عبدالعزيز محمد الخنفري

رد : ( صدوف الزمان )
 

رد : ( صدوف الزمان )
 

رد : ( صدوف الزمان )
 

رد : ( صدوف الزمان )
 

الكفومهما طاح ينهض بالثقـال وألّا الردي ما في عيونه دارجـه

صح لسانك ياعلي
تحياتي وتقديري