مااخبل اللي حطّ نفسه شيخ مااحدٍ قدّه @ وهو على الدنيا ولد راعي وجدّه راعي
 

[poem=font="Simplified Arabic,6,black,normal,normal" bkcolor="transparent" bkimage="backgrounds/15.gif" border="groove,4,black" type=1 line=0 align=center use=ex num="0,black"]
:

:

يارفيق الضحكه لسانك تعدّى حدّه = وظنّي ان بعض السوالف ما لبوها داعي

كانك تحسب ان كلامك هجمةٍ مرتدّه = والله ان هجمتك ضاعت وان كلامك ضاعي

والجبل لو كانت قرون التيوس تهدّه = فانت تبطي عظم والله ما لويت ذراعي

انت مثل اللي يبي له لطمةٍ في خدّه = لين يبحث قبل مدخاله عن المطلاعي

ولاّ انا رجلٍ يموت وما يبيّح سدّه = وان غفت عينه عن العالم فقلبه واعي

الركاده حطّها الله خاتمٍ في يدّه = واللقافه كبّها للي وراها ساعي

هيه ياللي دايم تّجيب الخبر وتردّه = والله اني فالمواطي ما بنيت شراعي

الليالي علّمتني علمها من مدّه = قالت الدنيا تجارب والرجال انواعي

الصديق اللي يضد اللي يبي لك ضدّه = لا تفرط في غلاه ان شانت الاوضاعي

والصديق اللي معك ودّه ولا هو ودّه = اختصرها ... لا تدور من وراه اطماعي

والرفيق اللي يعدّك في الشقى وتعدّه = رفقته تشرى على الدنيا ولا تنباعي

والرفيق اللي ما ينفع في الرخاء والشدّه = رفقته تدفن بقاعٍ ما وراها قاعي

مااطيب اللي لا بدى له في لزومٍ سدّه = لو ما يلقى من لزومه غير كثر اوجاعي

ويقطع اللي ينعرف خاله ويعرف جدّه = وكل يوم وعلمه اللي خايبٍ يشاعي

ومااخبل اللي حطّ نفسه شيخ مااحدٍ قدّه = وهو على الدنيا ولد راعي وجدّه راعي

فعلموا اللي شوف عينه للردى ويلدّه = من يمد الصاع يجزى مثل مدّه صاعي

يتغدى من غداه احسن جعله الغدّه = ولاّ وش قربه من فنجالي ومقداعي

كل ما صدّيت من وجهه ما منّه صدّه = لعنبوه يشد منّي والفجوج اوساعي

ولاّ والله يبشر بسيفٍ قويٍ حدّه = وضربةٍ ربي خلقها تقسم الاضلاعي

وهذا ربع اللي بقوله يا شواطي جدّه = ولاّ في ذمة فهد باقي ثلاث ارباعي [/poem]

فهد المكودر
كفوو والله
قسم بالله شاعر جزل ومبدع
صح لسانك مد مهوب عدد
وسجل اعجابي بماتكتب

اخوك
محمد

يالله ان تحيي ذا الابيات وراعيهااااااااااااا


كفوووووووووووو وانا اشهدد يافهددد


صح لسانك .. وصح بنانك ... وصح بوحك ...وصح قلمك

ابدعت في ذمتي ابدعت يالذيب

الله يعطيك الف عافيه


ولاتحرمنا جديد ابداعك يالعزوووه



وصح لسانك مره ثانيه

وكذلك سجل اعجابي على ماكتبت يافــهد

السلام عليكم ورحمة الله وبركاته

صح لسانك وما قصرت يافهد

الله يعطيك العافيه

صح الله لسانك يافهد على هالابيات الرائعه والجزله.............



البيرق...

كفووووووو
 

صح لسانك وبيض الله وجهك على هذه القصيدة الجميلة