:: مصيـبـــــه ::
 

السلام عليكم ورحمة الله وبركاته

احسن الله عزاءنا جميعاً في فقيد الامه.... سماحة الشيخ العلامة عبدالله بن جبرين ( رحمه الله ).





[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=1 align=center use=ex num="0,black"]

القلب يحزن لجلك وتدمع العيـن=وان ماحزنّا لجل موتـك مصيبـه
مرحوم ياشيخ رحل يوم الاثنيـن=من فقده جروحك يالامه عطيبـه
عساه في الفردوس مـع النبييـن=وعسانا في جنة عدن نلتقي بـه
والله مصيبه موتتك يابن جبريـن=العلـم فاقـد لـه مكانـه وهيبـه
والفقه عقبك يشتكـي للمسلميـن=يشكي خسارة من خذته المغيبـه
غاب الوقار ونور الايمان والدين=والزهد واصول التسامح وطيبـه
والصدق وايراد الحجج والبراهين=ماتاخذه في كلمـة الحـق ريبـه
شيخ نذر بايام وشهـور وسنيـن=في خدمـة الاسـلام والله يثيبـه
تاريخه يشعشع بشتـى المياديـن=علاّمةٍ اهل الهـدى تقتـدي بـه
تبكي عليه العاصمـه والحرميـن=والقدس عزّا فيـه مكـه وطيبـه
وتبكي مسلمين الولايات والصين=خسارة الامـه خسـاره صعيبـه
لاشـك هـذا حكـم رب الثقليـن=والمؤمن ان حان القدر يرتضي به
لكن فجيعه مثل موت ابن جبريـن=عز الله انها حزن وانها مصيبه!! [/poem]

رد : :: مصيـبـــــه ::
 

الأخ حسين العبدي :

أحسنت بارك الله فيك وأثابك الله على هذه القصيده الجزله والتي قلتها فيمن يستحق فقيد الأمه

صاحب الفضيله الشيخ عبدالله بن جبرين رحمه الله رحمة واسعه .صح الله لسانك ولاهنت ..

رد : :: مصيـبـــــه ::
 

صح الله لسانك يا حسين ..

وجزاك الله خير ..

أسأل الله أن يرحم الشيخ رحم واسعة .. وأن يغفر له ..

رد : :: مصيـبـــــه ::
 

بيض الله وجهك على هذه القصيده في من يستحقها
صح السانك الله يجب مصيبتنا جميعأ في فقيد الامه
ويتغمده في فسيح جناته

رد : :: مصيـبـــــه ::
 

صح لسانك ياحسين

والله يرحم الشيخ ويغفر له

رد : :: مصيـبـــــه ::
 

صح الله لسانك ياحسين


رحم الله الشيخ والعلامه عبدالله بن جبرين وعسى مثواه للجنه وموت العلماء من علامات الساعه والله المستعان


قصيده جزله في من يستحقها كعادتك دائما

رد : :: مصيـبـــــه ::
 

صح لسانك يا شاعر المواقف بشتّى أشكالها

ورحم الله العلامة ابن جبرين

رد : :: مصيـبـــــه ::
 

رد : :: مصيـبـــــه ::
 

الله يرحم الشيخ الجبرين رحمه واسعه

عساة في الفردوس مع النبيين....وعسانا في جنه عدن نلتقي به
صح لسانك

رد : :: مصيـبـــــه ::
 

صح لسانك أخوي حسين

والله يرحم الشيخ رحمة واسعه