القاعدة الجوية... " استفسار "
 

السلام عليكم
ايها الإخوة الكرام لدي استفسار
حول العمل في القاعدة الجوي
كـ وكيل رقيب .. / ... رقيب
الرقيب .. او وكيل الرقيب.. ماهو عمله ..
ايضا هناك فترة تدريب مدتها حوالي شهر .. << وش يسوون فيها بالضبط لاني متخوف من هذه الفترة
ارجوكم ايها الاصدقاء ابي معلومات كثر ما تقدرون لا تبخلون علي بأي معلومه حتى لو صغنطوطه
ما ابي ادخلها وابتلش
اهم شئ فترة التدريب..وش اسوي فيها !!
غير كذا مو مهم مرهـ حتى لو يمنعوني من التجارة عادي .. ويمنعوني من السفر برضو عادي << طفران :D
والله ولي التوفيق << اصلح اشتغل بالداخلية :050103gig

ما أقدر أفيدك إلا بأن أقول لك:
أسأل الله العلي العظيم أن يوفقك في هذه الوظيفة
وأن يبارك لك فيما ستكسبه يداك من ورائها
ـــــــــ
نصيحة:
لا تقلق ،،، وثق في قدراتك وفي نفسك
واعلم أنك ستتعلم بمجرد الدخول في دورة التدريب هذه ،، وسيكون الوضع -بإذن الله- أقل من عادي.


أبو زيد
يتمنى لك التوفيق

الله يجزاك خير يا ابو زيد
على مشاركتك ودعائك
والله يوفقنا وياك يا أخي
اكثر ما يحتاج اليه المرء
هو الدعاء .. وشكرا مرهـ
ثانية ... وكثر الله من امثالك
اخي الكــريم ... كل الود لك
يا ابــــن العـــم

الله يوفقك
مافيه مشكله حاجات بسيطه مثلا راح تشوف النجوم في القايله هههههههههههههههه
اذا كنت حديث او بتدخل دوره تدريبيه للمستجدين فلايهمك ماتسمع من الذين سيقومون بتدريبك لانك راح تسمع كلام لو انك بلباسك المدني لما تحملته بس شدحيلك

ابن وهف
حرام عليك
تبي تخوفني من الحين
وانا ما خشيت ....
ياخي خلني اخش اهناك وابتلش
ولا حد يخوفني من الحين
ياليت اللي عنده معلومات عن التدريب وشلون بيكون
يمحط به هينا
ولا هنت على المرور والشرطة والدفاع المدني
يعطيك على العافية

مرحبا اخي لينك القحطاني :
في رأيي :
إذا انت تقدح من زناد راسك ولا يهمك كلام الآخرين ولايهونون الربع إللى حوك فرأيي أن تكمل دراستك ولا عليك من مهايطة الجماعة إذا عندك عزيمة في الدراسة.
او توكل على الله وتدرب مع عطران الشوارب وعلمني إذا انتهيت من فترة التدري وقل "غشني الحادي" .

وسلامي للجميع بلا تخصيص
آه ، مأحسن العلم

على كلا الامور سلامات
بس انا اعطيك بعض الامور الى ممكن تحدث حتى لاتهمك وطنشها
لان الناس الى بيدربونك ماهم بسوا اصابك ماهي بسوا فيهم التافه وفيهم الرجل المحترم فيهم من هو على خلق ويتميز بعقل وفيهم من لايوجد في راسه الا شراب معفن وبسطار بس انشاء الله تتيسر امورك وهذا ليس تخويف ولاكن على شان تكون على اطلاع بالامور لاتنسي توقيعي اقره

اقول
الي ذا كلامه ما تصلح له العسكرية
وبعدين مافيه تدريب شهر واحد فيه ثلاثة شهور منها خمسة واربعين يوم ما تشوف فيها احد
من خارج المعسكر. حتى الخميس والجمعه ما تخرج
تعرف القايش
والا ما تعرفه

الاخ سامي اتضح لى انك عسكري الله يهديك لاتخوف الرجال ههههههههههههههههههه
اذا دخلت يالينك فيه كلمه ((ثابت)) ياكثر مابتسمعها وبتقول الله يذكر ابن وهف بالخير الى نبهني وفيه ((طابور))
وبعدين اذا تبي اكثر علمتك

خيبت ظني فيك ، مافيه قحطاني يتهيب ، ومن يتهيب .............. يعيش أبد الدهر ............. .
إعقلها وتوكل