|
فالمدح والا النصـح والا فالغـزل
[frame="7 70"]
ادخل على الله من مواريد الهـزل [/frame]وبالذات في نضم القصيد ونهجته فالمدح والا النصـح والا فالغـزل لاما امتلى المجلس وكثرت ضجته ياعلني يوم انضم المعنى مـا أزل وعساني اللي دوم تمضي حجتـه والشعر ماهو وحي من ربي نـزل والرجل يعرف من بوادر هرجتـه والشاعر اللي مايجي قوله جـزل سكوته افضل من صواخب لجتـه وناسٍ غثاها مستطير ولـم يـزل على الشعر واهله تثـور عجتـه ناسٍ مراضى طبها حجـز وعـزل في مهمهٍ تصعب عليهـم فرجتـه لاقلت ويش الشعر قالولـك غـزل واعقلهم اليا نشد ضاعت خرجتـه يبغون عوضه من سببهم يعتـزل مادريو ان الشعر يغـذى مهجتـه اعشقه عشق اهل الصقاره ل النزل وهو شف بالي فالحيـاه وسجتـه فيالله دخيلك من مواريـد الهـزل يامن عباده لـه تصلـى وارجتـه الــصــاخــر |
| الساعة الآن 11:53 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com