|
قصص كان ما كان !!
السلام عليكم و رحمة الله و بركاته
صلوا على النبي [poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=1 line=1 align=center use=ex num="0,black"] الموت سنـّـه دايمه عبر الازمان = ولا يمنع الانسان حصن ٍ ولا صروح لا تحسب انك دايم ٍ حي يانسان = لابد يوم ٍ يحملونك على لوح الموت .. كم فرّق من الناس خلان = مصيبة ٍ لكن مع الوقت و تروح بعد العزا و الحزن و الهم .. سلوان = كلن بينسى بعد هالدمع و النوح وْترى البكا ماهو على موتة فلان = بس الفراق يقطـّع القلب و الروح حل الفراق اللي معه موكب احزان = و الوصل دمـّـه فوق الامتان مسفوح غبت و تركت القلب تايه و حيران = ما قلت لي بتغيب !! و اقول مسموح كنك تقول أحلامنا مالها اعنان = لا تآمن الوقت و علي تبني طـْـموح كلمه مريره فجـّـرت فيّ بركان = منها تفيض عيوني و صدري يفوح ادعيك باسمك .. و اعتذر .. عثرة لسان = واليا كتمت السر .. جسمي به يبوح حالي كسير و دايم الليل سهران = و اصبحت في عين المخاليق مفضوح اللـــه .. مــ/اجملها قصص كان ما كان = قبل افتح الصفحه على ( آه مجروح !! )[/poem] مبارك بن حاضر |
رد : قصص كان ما كان !!
أخوي مبارك بن حاضر
صح الله لسانك ع القصيدة المعبره الله يحسن الخاتمه شكرالك ................................ |
رد : قصص كان ما كان !!
أرحبوااااا يا مبارك بن حاضر
وصح الله لسانك ياغالي وبيض الله وجهك قصيدة جزلة من شاعرغير مستغرب منه الجزل ومثل ما قلت: وْترى البكا ماهـو علـى موتـة فـلان ......................بس الفـراق يقطّـع القلـب و الـروح. ...........تقبل مروري وشكراا....... |
رد : قصص كان ما كان !!
أرحب يا مبارك ..
صح الله لسانك .. |
رد : قصص كان ما كان !!
ارحب يا ابو فيصل
صح لسانك على هذه القصيده الرائعه لاتحرمنا من تواصلك وابداعك اخوك/عبدالله السحيمي |
| الساعة الآن 11:03 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com