قصيده نصراوي وهلالي مكتوبه ومنشده
 

اخواني الكرام في شبكه قحطان اعتذر عن الغياب وهذا الابيات قصيده من احدي قصائدي المتواضعه انشاد المنشد الرائع والعذب رائد بن نملان الحبابي اهدي لكم للتواصل عسي ان تنال اعجابكم وتعطر مسامعكم

[poem=font="Simplified Arabic,6,darkblue,bold,normal" bkcolor="transparent" bkimage="backgrounds/24.gif" border="groove,thick,darkred" type=2 line=0 align=center use=ex num="0,black"]

ان كان ماتبغي وصالي فلا اجبرك =انك تخاويني وتقبل وصالي
لاكن بغيت اقولها لك واخبرك = انك علي قلبي عزيزن وغالي
مقسوم دبرني ومقسوم دبرك = اترك مجالك وانت تترك مجالي
ما ابغي تعبرني ولاني معبرك = وترى الوعد في مقبلات الليالي
من اول اعز شانك واكبرك = وكنت اعتبر مافيه غيرك مثالي
واليوم بابعد عنك واقص دابرك = احسن لي ابعد عنك واجلس لحالي
دامك ماتبغاني وايش اللي مصبرك =كلمت ما احبك ليش ماقلتهالي
كشفت ماتخفي وانا كنت خابرك = انك عظيم ومنزلك في العلالي
سافر علي الدمام وانا علي البرك = وان كنت نصراوي تراني هلالي[/poem]

رد : قصيده نصراوي وهلالي مكتوبه ومنشده
 

بيض الله وجهك

يا حمد على القصيدة

وبيض الله وجه ابو نملان على الصوت العذب

رد : قصيده نصراوي وهلالي مكتوبه ومنشده
 

ارحب ارحب ووجهك ابيض لاهنت على المرورالرائع

رد : قصيده نصراوي وهلالي مكتوبه ومنشده
 

صح الله لسانك يا بو مسفر ..

ولاهان أخونا أبو محمد على إنشاد القصيدة ..

وتستاهل سمعة يا الغالي ..

أخوك/ مشاري آل نملان

رد : قصيده نصراوي وهلالي مكتوبه ومنشده
 

صح الله لسانك يابومسفر


شاعر مبدع وشهادتي فيك مجروحه


ولاهان الشاعر والمنشد رائد بن نملان

شعر جزل وانشاد رائع

رد : قصيده نصراوي وهلالي مكتوبه ومنشده
 

ارررحب يابن نملان ومشكوووور عالمرورالرائع لاهنت

رد : قصيده نصراوي وهلالي مكتوبه ومنشده
 

اررحب يابو فيصل تراحيب المطروانت استاذناومعلمنا وقدوتنالاهنت يابوفيصل لاهنت