تكفى ياعبدالله تجهز لي الجيب
 

[poem=font="Simplified Arabic,5,purple,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
تكفى ياعبدالله تجهـز لـي الجيـب=ماني بقاعد بعد ماشفـت الامطـار
ياعزوتي مانـي موصيـك ياذيـب=وانا ادري انك حر من نسل الاحرار
مابين عم وخـال يامنقـع الطيـب=ساسك مجود والكرامه لـك شعـار
تسد عني فـي جميـع المواجيـب=اليا نويت اخذ على البـر مشـوار
انا معذبنـي هـوى البـر تعذيـب=ولاني على فرقـاه ياذيـب صبـار
عاشق ولايمنعني الديـن والشيـب=عن عشق شب في ثومة القلب بالنار
تشب في قلبـي سـوات اللواهيـب=وتدور في راسي هواجيس وافكـار
واليا صفت لي في الزمان المشاريب=وحصلت وقت وصحبة رجالاً اخيار
اسج وانسى الهم وجروحي تطيـب=واحط لي في كـل منـزال تذكـار
مرار بسلاحي في روس المراقيـب=اصيد واقطف من زماليق الاثمـار
ومرار في ظلال الشجر بالاشاعيب=واقند الرسـلان مـن بـن وبهـار
ومرار في ديار العـذا والمحاليـب=تشم فيها العشب مـع در الابكـار
والله ياتسوى عند ابوك المكاسيـب=اللي كسبهـا مـن يسمـون تجـار
لايابعـد مـن وهقـوه الاصاحيـب=وخلـوه كنـه للخباثـات سمسـار
لوكان ضنيتـه حصـان الاطاليـب=اللي يحط الحلس في ظهره حمـار
وانته مجار الله يجيرك من العيـب=عنه وعن شرواه يالعـزوه مجـار[/poem]

رد : تكفى ياعبدالله تجهز لي الجيب
 

صح لسانك اخوي عوض ولا هنت
لكن لي تعليق بسيط تسمح لي فيه


لايابعـد مـن وهقـوه الاصاحيـب
وخلـوه كنـه للخباثـات سمسـار

الخباثات هل تقصد فيها الخبيث مثلاً ؟
لأنها غير مركبه مع وزن الشطر للبيت وفيه صعوبه بالنطق .


وانته مجار الله يجيرك مـن العيـب
عنه وعن شـرواه يالعـزوه مجـار

انته : المفروض تُكتب وأنت بدلاً من اضافه الهاء بأخر الجملة .

رد : تكفى ياعبدالله تجهز لي الجيب
 

ارحب ياعوض

صح لسانك من طول الغيبات جاب الغنايم

لاهنت يالغالي قصيدة جزله

رد : تكفى ياعبدالله تجهز لي الجيب