شبكة قحطان - مجالس قحطان - منتديات قحطان - رحلة الأمير سلطان بن عبدالعزيز

- مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)

- - رحلة الأمير سلطان بن عبدالعزيز (https://www.qahtaan.com/vb/showthread.php?t=51768)

رحلة الأمير سلطان بن عبدالعزيز

السلام عليكم ورحمة الله وبركاتة

أبيات أتمنى أن ترتقي لذائقتكم
وهي حبيسة الأدراج من شهرين تقريباً
ومناسبتها رحلة ولي العهد العلاجية
سآل الله العلي القدير ان يعيده إلى أرض الوطن سالماً معافاً

[poem=font="Simplified Arabic,5,green,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
الرحلة اللي روحت مابعد جات = فيها ولي العهد يمنى الشهامة
ندعي له امن القلب عقب التحيات = وأثناء السجود وقبل صوت الاقامة
يالله عساها كلبوها فحوصات = تجرى ويرجع سيدي بالسلامة
لو ان ثياب العافية والسلامات = تهدى هديتك ياوريث الزعامة
تستاهل الصحه وعطنا المعانات = والبس عوافينا سوات العمامة
من عقب ما غادرت نور المسرات = تطفي فوانيسة ويسدل ظلامة
سلطان مجدك في حدود المجرات = تبني مباني المجد عز وكرامة
يالشامخ النادر زبون الصعيبات = ياللي سوات البحر وقت التطامة
يالقايل الفاعل زعيم المهمات = ياللي على العدوان يضرب حسامة
يامنبع الأمجاد راس المروات = يمناك من جودك سوات الغمامة
أنت الأمير اللي بكل العبارات = الهامة اللي تعتلى كل هامة
وأنت الأمير اللي تذل العسيرات = وأتحقق لشعبك مناه ومرامة
صوتك صهيل حصان من بين الاصوات = تصهل و يصهل معك قصر اليمامة
شعبك وكرسي مكتبك والوزارات = والنير وحزوم الشمال وتهامة
الحزن فيهم صاير ن له علامات = يبغون رجعة سيدي بالسلامة[/poem]

عـــبـــــــد الـــلـــــه بــن غــــفــــــــره