شبكة قحطان - مجالس قحطان - منتديات قحطان - دونهم نقدم علـى المـوت ونعيـف الحيـاه

http://www.alnadawi.com/vb/customava...atar1111_3.gif

هادي بن سعيد بن عوير الفليحي الهاجري

السلام عليكم ورحمة الله وبركاته
هذه القصيده في 00 عبدالله بن خالد بن بعيث أمير قبيلة ال حمراء بني هاجر[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يالله اني طالبك وانـت فـي خلقـك بصيـر=تكتـب الخيـره ولا تحـرم النفـس الغنـاه
انت مـن يعلـم بغيـب الليالـي والمصيـر=وانت من يامر وينهى ونمشـي فـي رضـاه
أحترص من بعض الاشياء واشاور واستخير=كود في مدح ابلـجٍ مرقـب الطولـه رقـاه
واتنومس لا وصلنـي مـن الطيـب بشيـر=واتهيض كـل مـا ذعـذع الغربـي هـواه
المثل من قلب ولسـان واحسـاس وضميـر=وسًلم الله راس من صخـر القـاف وحمـاه
ياهجوسي جملينـي تـرى الموقـف كبيـر=الجمالـه مطلـب الـرجـل واول مبـتـداه
جملينـي والوعـد عنـد صيـوان الامـيـر=الاميـر اللـي جذبنـي ونومسـنـي نـبـاه
الثنـاء والمـدح والفكـر والشعـر الغزيـر=والأدب من مطلعه لين ياصـل مـن منتهـاه
ما يليـق الا علـى اللـي يجيـر المستجيـر=طيبٍ والطيب مـوروث مـن جـده وابـاه
وانت يابن بعيث 00 شف الطراقي والجويـر=ومنوة اللي فـي زمانـه حـداه اللـي حـداه
بس انـا يحدانـي الشـوق للوجـه السفيـر=وانت ألك يدفعنـي الـود والشـوق وغـلاه
انت راع الطيب الاول عسى خيـرك كثيـر=يشهد الله والمراجـل معـك مثـل الوصـاه
يكفي انك قمـت بالعـزم واطلقـت الاسيـر=واستقـر وقـرت اعـيـون شيـبـانٍ وراه
ويكفـي انـك مرجـعٍ للكبيـر وللصغـيـر=مرجـعٍ للحـق مـن دون ريبـه واشتـبـاه
ويكفـي انـك لليتامـى عضيـد وللفقـيـر=مثل ضلع النير حيث المـذاري فـي حجـاه
والله اني فيك لا اسمـع ولا فيـك استشيـر=وانت من قدىً كثير العرب واخلـص معـاه
والله ان فكر اكثر الناس غيـرٍ وانـت غيـر=انت ألـك فكـر وطريقـه ومنهـج واتجـاه
وانت ربعك هم هل المجد والفعـل الشهيـر=أشهر امن النـار فـوق العلـم بيـن الـرواه
ماتجاهلهـا مـن القـوم عـود ولا غريـر=فعلها يشهد من اقصى الشمـال اليـا السـراه
كم وقع من ضربهم من قتيـل ومـن كسيـر=فـي نهـارٍ والمنـايـا سـهـومٍ للـرمـاه
ما يزعزعهـا صهيـل الرمـك والا النذيـر=الخطر تاطـاه والشـره تسعـى فـي شقـاه
ذي عوايدهـم علـى كـل وقـتٍ ياغتـيـر=عـزوةٍ بيـن القبايـل لهـا قـدرٍ وجــاه
عزوةٍ من سابـق الوقـت والوقـت الاخيـر=مجدهـا مجـدٍ يشـرف ولا يٍلحـق مــداه
لعنبو مدحٍ قصر عن هـل السيـف الشطيـر=لا قصر عنهم فلا عـاد الـه ذوق وطـراه
كـان للنامـوس غايـه ولـه نـد وخشيـر=والله ان ذولا غـرامـه ونــده وخـشـراه
هم لنـا فـي شـر والا نهـارٍ فيـه خيـر=ذخرنا اللي مابعـد شـح يـومٍ فـي عطـاه
وحن سواة الدرع والسيف 00 في وجه المغير=دونهم نقدم علـى المـوت ونعيـف الحيـاه
ما تصح الا الصراحه ولـو طـال المسيـر=والحظيظ اللي يميـز صوابـه مـن خطـاه
والختام اعداد مـا هـب نسنـاس العصيـر=لا أله الا انت ياخالـق ارضـه مـع سمـاه [/poem]

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود