أنتداب جــــده
 

[poem=font="Simplified Arabic,6,black,normal,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ياجده اللي كل بوها بهاذيل=حتى الطبايع كل بوها سماجه
قمت أطلب الله بالستر والتساهيل=وكلا(ن)على ماقيل يتبع خراجه
ماغير أسوق الرجل وأمشيبها حيل=وأدله الخاطر وأهدي مزاجه
بعد الدوام أرجع على البن والهيل=وأدعي عسى همي يبين أنفراجه
أجمع رجال(ن) فالمواقف حلاحيل=أهل الوفاء لاصار لازم وحاجه
أخص منهو عندنا باعه طويل=وليا نصيته ما تعقد حجاجه
من لابت(ن) بالعز جيل(ن) بعد جيل=اللي لهم تاريخ يوم المواجه
ربعه جحادر طبعها توفي الكيل=في ساعة والحرب ثور عجاجه
ثم بعدها وليا غشى جده الليل=وشفت البنات اللي سوات الخواجه
أضيع أسمي وأكثر القال والقيل=وقلبي تولع وأحترق مثل صاجه
شفت الغضي راع الرموش المظاليل=متميز(ن) في شوفته وأنبراجه
طلت عيوني قلت يامرحبا هيل=قمت أتشخص وأظهر الطيب كاجه
حسبي على نظرت عيونه غرابيل=سهم(ن) شغل فكري وزاده لجاجه
روح وخلى العين تذرف هماليل=والقلب يشكي مالقينا علاجه
قربت صيدي مثل شوف الدرابيل=وطارت وراحت مع وسيع الفجاجه
ماباقي الآ دان ياعين يالليل=العولمه للناس درب ونهاجه
غادرت جده شايف(ن) البهاذيل=حتى الطبايع كل بوها سماجه[/poem]

رد : أنتداب جــــده
 

صح لسانك يا بن سفران

ويش عاد آخر أخبارك مع قناة الساحه

رد : أنتداب جــــده
 

صح لسانك يا ابن سفران والنعم فيك وفي ربعك ولكنك ظلمت أهل جدة فتراها غير

رد : أنتداب جــــده
 

رد : أنتداب جــــده
 

صح لسسانك يبومهدي ,,

تقبل تحيااتي

رد : أنتداب جــــده
 

صح لسانك وعلا شانك

قصيدة رائعة يا جازع ونتمنى ان تطل علينا بقصائد اخرى

تقبل وافر تقديري واحترامي

رد : أنتداب جــــده
 

صح لسانك

وقديت في جده

عزالله أن ماهي تزين لي واجد

رد : أنتداب جــــده
 

ولسانك يصح ومشكور على المرور ومرورك شرف لي ووسام على صدري

أما بالنسبه للساحه بتشوف اللي يسرك ويعجبك

رد : أنتداب جــــده
 

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بعد الدوام أرجع على البن والهيل=وأدعي عسى همي يبين أنفراجه
أجمع رجال(ن) فالمواقف حلاحيل=أهل الوفاء لاصار لازم وحاجه
أخص منهو عندنا باعه طويل=وليا نصيته ما تعقد حجاجه
من لابت(ن) بالعز جيل(ن) بعد جيل=اللي لهم تاريخ يوم المواجه
ربعه جحادر طبعها توفي الكيل=في ساعة والحرب ثور عجاجه[/poem]

رد : أنتداب جــــده