قصيدة حاتم بنو قحطان.. الشيخ سعود بن دليم
 

[poem=font="Courier New,5,black,bold,normal" bkcolor="transparent" bkimage="backgrounds/8.gif" border="groove,thick,black" type=4 line=1 align=center use=ex num="0,black"]
على كف المولع طير ياطير أخفق الجنحان = وحلق في السماء لان السماء للطير مدهالي
واذا حولت حول في رفيع ونايف المزبان = حرار الطير ما تسكن سوى في النايف العالي
تهقو بنايف بين الجبال النايفات يبان = عليه من المواري مايلد العين طوالي
جبل ماهو جبل إلا جبالِ مالها وديان = طرايقها صعودً كلها مافيه محوالي
اذا شمر لهم برزان عزوه حن لنا برزان = عقيدٍ ما يطاوله الجبل لو طال ماطالي
وإذا شمر لهم حاتم لنا حاتم بنو قحطان = كريمٍ يفني المال ورصيده كله رجالي
وإذا الجربا على شمر على قحطان ابوسلطان = سليل دليم وابن دليم مايجهله جهالي
وإذاهي عودة مابينا مباهاهه بالشيخان = ذكرت وصوف ابوسلطان وحده والفخر فالي
عليه من السلام أشكال عليه من التحايا ألوان = عددها وش عددها في عددها مالها تالي
على شيخ قحطان معرب السيسان والجدان = ابوساسٍ عريب وعزوةً يامن بها الجالي
وعلى راعي اليمين اللي تمد وتروي الظميان = وعلى طلق الحجاج ومجلسٍ يرخص له الغالي
وعلى اللي لحظر يومٍ صعيب اللي صعيبٍ هان = وعلى اللي لوقف وقفته غير ولا لها أمثالي
وعلى اللي لهرج مايهرج الا بالفم المليان = سليل العرف والعراف في الاحكام مامالي
عليه الطير والخفاق والأوزان واللحان = تردد ياسلام الله والموال موالي
تباشربه قصيدي وسمه أطرب قافي الولهان = وجيت أغني الاشعار يالا لال يا لالي
على بحرٍ من أبحور الشعر قدره في الأوزان = مثل قدر الذهب فالسوق بجرامٍ ومثقالي
وانا ماني بحيا الله شاعر فاتحٍ دكان = يبيع أشعاره الجزله على بو جنيه وريالي
أنا شاعر ولد شاعر وبن نملان من نملان = ولد شيخٍ ينعم له في الأقفى والإقبالي
وانا لي عزوة بين العزاوي ترجح الميزان = ترجح كفة الميزان لثار أشهب الالي
ولاينزل في الميدان من لايحتمي الميدان = ولايرقى الجبل من لارقى من قبله أجبالي
ولايكسب رضى الصدقان من لايقدر الصدقان = ولايقوى على العدوان من لاحال وحتالي
ولا ياجب على المجروح غير الصبر والكتمان = مادام ان ألامور وحلها في دبرة الوالي
وإذا الجربا على شمر على قحطان ابو سلطان = عريب الساس والمنسب عريب الجد والخالي
عليه الطير والخفاق والاشعار واللحان = تردد يا سلام الله والموال موالي[/poem]

رد : قصيدة حاتم بنو قحطان.. الشيخ سعود بن دليم
 

رد : قصيدة حاتم بنو قحطان.. الشيخ سعود بن دليم
 

أرحب يا بو محمد ...

صح الله لسانك يا ذيبان ..

[poem=font="Simplified Arabic,5,red,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
علـى شيـخ قحطـان معـرب السيـسـان والـجـدان = ابوسـاسٍ عـريـب وعــزوةً يـامـن بـهـا الجـالـي[/poem]

ومليون نعم بآل دليم شيوخ قحطان .. وأبو سلطان يستاهل المدح ..

[poem=font="Simplified Arabic,5,red,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
أنـا شاعـر ولـد شاعـر وبـن نمـلان مـن نـمـلان = ولـد شيـخٍ ينعـم لـه فــي الأقـفـى والإقبـالـــي[/poem]

ومليون نعم يا بو محمد .. والله يرحم شايبك الشيخ محمد بن عون آل نملان ..

لاهنت .. وفي انتظار بقية روائعك ..

أخوك/ مشاري بن نملان الحبابي

رد : قصيدة حاتم بنو قحطان.. الشيخ سعود بن دليم
 

ابعدي يبو محمد


قصديه جزله من شاعر جزل


ويستاهل ابن دليم


وصح الله السانكــ

رد : قصيدة حاتم بنو قحطان.. الشيخ سعود بن دليم
 

علي بن نملآن.,.,



صح الله لسآنك وعتلآ شآنك.,.,


يستآهل سعود بن دليم.,.,


تقبل مروري مع فآئق الود والتقدير.,.,

رد : قصيدة حاتم بنو قحطان.. الشيخ سعود بن دليم
 

ارررحب يابومحمد


الله يصح لسانك


عزالله انك ابدعت واجزلت كعادتك جعلني ما ابكييك


مدح كفو وشيخ يستاهل المدح ابوسلطان قدها وقدود

ومليون نعم فيك ياعلي وفي شيبانك ال نملان شيوخ ويستاهلون


ابومحمد تعتبر شهادتي فيك مجروحه وانت تعرف رايي فيك من مبطي

رد : قصيدة حاتم بنو قحطان.. الشيخ سعود بن دليم
 

كفو كفو كفو


المادح والممدوح

ابيض وجه

رد : قصيدة حاتم بنو قحطان.. الشيخ سعود بن دليم
 

السلام عليك يابومحمد
شاعر وقصيدك جزل وأمتعتنا ويفتخربك كل قحطاني
ويستاهل ابو طلال وما قلت الإ الصحيح

رد : قصيدة حاتم بنو قحطان.. الشيخ سعود بن دليم
 

ارحبوووووووو يا علي

كفوووو انت شاعر جزل ومن نسل شيوووخ

وابن دليم شيخ الشيووووخ

اخوك

ابن عاصية

رد : قصيدة حاتم بنو قحطان.. الشيخ سعود بن دليم