شبكة قحطان - مجالس قحطان - منتديات قحطان

السلآم عليكم ورحمة الله وبركآته.,.,

مسآكم الله بالخير.,.,

شحآلكم عسآكم طيبين.,.,؟

انآ مبطي مآشآركتكم بقصيده من كتآبآتي المتوآضعه.,.,

وقلت اليوم بشآرككم بأحدى قصآئدي..,.

وهي اسندهآ على اخوي مآجد بن محمد.,.,

اتمنى انهآ ترتقي لذآئقتكم.,.,

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=1 line=1 align=center use=ex num="0,black"]
تمضي سنين العمـر كـلٍ شقآبهـآ=دنيآ دنيـه مـآ بـه احـدٍ نجآبهـآ
لو كآن فيهآ خير مآ مـآت حيّهـآ=والارض ضمّت مِيتهآ في ترآبهـآ
لكن إله الكـون لـه حكمـةٍ بهـآ=اللي خلق كـل البشـر واعتنآبهـآ
فيهآ اختبآر الجن والانس من قبـل=تقفي بنـآ الدنيـآ ويقفـي سرآبهـآ
يآ مسندي يآ خوي مآجد وعزوتـي=يآ شوق من يدهآ تزيّـن خضآبهـآ
اللي ليآ منهآ لجـت لـك وفرّعـت=تصول صوله كـل حـيٍ درآبهـآ
الضيق يآ يمنآي مرخي بي العـزم=حتى السعآده صرت مـآدل بآبهـآ
من عقب كنت آشيل حملي بمنكبـي=وآطآ على الاخطآر مآنيب اهآبهـآ
الوقت دآر وشفـت اشيـآء هآيلـه=وعوج الحظوظ مكشّره لـي نآبهـآ
صكّت بي الدنيآ ولآدري وش السبب=وحآلة عضيدك كل وآحد هذى بهـآ
شرحت لك يآ خوي مآ جآ لحآلتـي=وعلى عسير الدرب سآيق ركآبهـآ
هذآ دليل ان حآلتـي كلهـآ عسـر=والنفس ذآقت قبل موتـي عذآبهـآ
مآلي سوى الله كآن كبْرَت موآجعي=والآ الاوآدم مـآ يفيـد الذرآبـهـآ
مآ غير ابوح بْمآ جرآلي وصآبنـي=على الرجآل اللي يشـرّف جوآبهـآ
لكن عسى الخيره تجي بعد ضيقتي=واترك ملآم النفـس ويّـا عتآبهـآ
وتعـود للقلـب المعنّـى سعآدتـه=ويودّع الضيقـه ويطـوي كتآبهـآ
بصبر لأن الصبر مفتـآح للفـرج=تضيق لكـنّ السعـه فـي عقَآبهـآ [/poem]

سلآمتكم.,.,

اتمنى ان مآقدمته يرتقي لذآئقتكم.,.,

تقبلوا مني فآئق الود والتقدير.,.,

نآصر بن محمد آل مْهدي.,.,

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود