قصه مصوره‏
 

كان ياما كان في قديم الزمان

يعني يوم الخميس 29/11/1429هـ

كان فيه واحد جاي من وادي الدواسر

وده يتفرج على السيول في صبخة القصب

اللي تجيك قبل القصب على اليسار وانت جاي من الرياض

المهم الرجال وقف سيارته على جال البحيره ونزل يتمشى


http://www.qahtaan.com/works/up/get....pl9z1237353336

مادرى الا الماء وصل موتره

حاول يطلع لكن ما امداه

كفراته صارت تدور في الطين

http://www.qahtaan.com/works/up/get....hinx1237353336

المهم ترك موتره يمرح يوم جا الصبح ويفزع له راعي حراثه

حاول يسحب الجيب لكن صارت هذي النتيجه

http://www.qahtaan.com/works/up/get....moqu1237353336

ومن جهة أخرى

http://www.qahtaan.com/works/up/get....uvxy1237353336

تلاحظون الزمزميه ؟؟

شكلهم وسعوا الصدر عند الحراثه



http://www.qahtaan.com/works/up/get....of6h1237353336



مسيكينه هالحراثه

راحت فيها

هالحين الحراثه تقول

طلعوووووني وش لقفني اجي فيذا

المهم أشروا لراعي سقس على الخط وجا يبي يسحب الحراثه

وكانت هذي النتيجه








وهذي صورة ثانيه ولاحظ قرب خط الزفلت

وعرفوا ان الموضوع يبي يطول والدليل ترمس المويه!!




http://www.qahtaan.com/works/up/get....1xdb1237353377




قالو مابدهاش لازم نجيب دركتل

لكن شوفو وش صار


http://www.qahtaan.com/works/up/get....pqrw1237353377


من شفت الطاسه اللي حاطها ورى وانا غاسل يدي








قامت الحراثه تضحك

قالت (قيت لك ياعبدالمعين عوزك تعيني لئيتك ياعبد المعين عاوز تتعان) <-- طبعاً باللهجة المصرية لانها عايشة بين صعايده




http://www.qahtaan.com/works/up/get....lprt1237353378




المهم قالو الحل الأخير هو الاتصال بالدفاع المدني وقامو وزينوا الشاهي بعد ما خلص الشاهي اللي في الزمزميه

وقعدو يتقهوون بالبريق اللي قدامكم

وفعلا جا الوايت علشان يسحب هاللي غاطسين



وشوفوا وش صار







http://www.qahtaan.com/works/up/get....zt1d1237353378




http://www.qahtaan.com/works/up/get....3qr21237353378


وتركو الجيب والحراثه والسقس والدركتل

وحاولوا يطلعون الوايت






شكل السواق توهق وانواع الجزاءات بتطبق عليه




http://www.qahtaan.com/works/up/get....pswy1237353412




وحاولوا كثيراً بدون فايده



http://www.qahtaan.com/works/up/get....notw1237353412





يوم انهم عجزو قالوا ما يفل الحديد الا الحديد



جيبوا ابو جنزير



ويجيك يتمخطر ويضحك على هاللي غاطسين





http://www.qahtaan.com/works/up/get....acn91237353412





لكن جاه ماجا ربعه



تعلق اخينا في الله وقال هذا مكاني








وجابوا عمال البلدية يحفرون له وحطو له خشب يبونه يطلع لكن ما فاد








وبعد ما استفادو من الدرس اللي تكرر عليهم في الجيب والحراثه والسقس والدركتل والوايت وابوجنزير

قررو يسحبونها من بعيد



ربطوا عدة وايرات في بعض وطلعو ابو جنزير ويقواون ان الدركتل اللي سحبه على الزفلت

هههههههه الصبخة ما يلعب معها على الزفلت وعساك تسلم








ثم سحبو الدركتل




http://www.qahtaan.com/works/up/get....24e01237353412






والحمدلله على السلامه



هذي صورة للموقع من بعيد




http://www.qahtaan.com/works/up/get....ruvx1237353412






يستفاد من الموضوع





1- لاتهايط اذا شفت السيل

2- حاول تستفيد من اللي توهقوا قبلك

3- مهوب كل من اتصل بالدفاع المدني يبي يطلع







وفي الاخير شكراً لمن قام بالتصوير
ولمن قام بارسالها على بريدي

طبعا ً الموضوع منقول بتصرف من بريدي الخاص

أتمنى أن ينال استحسان الجميع
أخوكـــــــــــــــــــــم :

رد : قصه مصوره‏
 

نعم نال استحساننا يا ابو مبارك

سبحان الله هذا مثلث برمودا على ما يقولون

والهياط ماهو بزين


قد صارت بالهاف مون بالظهران

رد : قصه مصوره‏
 

رد : قصه مصوره‏
 

لاهنت مشكووووووووور

العسكري توهق ودخل بالوايت

رد : قصه مصوره‏
 

هههههههههههههههههههههههه

الله يقطعهم .. صدق إنهم مهابيل ..

رد : قصه مصوره‏
 

موضوع طريف وحلو

مشكووووووووور