|
905
بسم الله الرحمن الرحيم السلام عليكم ورحمة الله وبركاته . -------------------------------------------------------------------------------- الووووووو استعلامات هذي قصة واحد يشتغل بالاستعلامات الـــــــــــــــلــــــــــــــه يكووووووووووون في عوووووون هذا الموظف... كان الموظف مرهق ومزاجه مش ولابد وخصوصا والمايك معلق على رأسه وهو يستقبل مكالمات المشتركين: المكالمه الاولى : شايب كبير السن الموظف : الو ..استعلامات الدليل محمد الــ......, مرحبا المواطن : الو .. ممكن لو سمحت تعطيني رقم عبدالله فهد سعد الموظف : وين ساكن اخوي لو سمحت المواطن : ساكن هنا قريب منا . الموظف : وين قريب منكم بالضبط . المواطن : ياخوي هنا جمبنا جارنا ماتعرفون رقمه . الموظف : ياعزيزي انا مادري انت وين بعد . المواطن : اقول والله ماعندك ماعند جدتي بس . طوط طوط انقطع الخط المكالمه الثانيه : صوت ناعم الموظف : الو ..استعلامات الدليل محمد الــ......, مرحبا الصوت الناعم : هلا اخوي ممكن تعطيني رقم بيتزا هت بس مابي فرع النسيم دايم تعطوني اياه الموظف : اي فرع تبغون رقمه . الصوت الناعم : تدري ايش فيه فرع النسيم بايخ لآن البيتزا حقتهم توصل بارده .. وبعدين شكلها خبز تميس . الموظف : بيموت من الضحك بس ساكت ... طيب خوذي فرع العليا اجل الصوت الناعم : ياخي ليه ماتضحك .. لايكون انت صاحب بيتزا هت ..مالت عليكم وعلى دمك . طوط طوط انقطع الخط المكالمه الثالثه : طفل يرفع الضغط الموظف : الو ..استعلامات الدليل محمد الــ......, مرحبا الطفل : الووووووو عطني رقم وشسمه ..هذا..وشسمه ياربي .. ايه ... حمود بادي فرج الموظف : طيب خذ رقمه ؟؟؟؟؟؟؟؟؟؟ الطفل : لحظه ابي رقم ثاني بعد . ابي رقم هذا وشسمه ... مانع فالح سامي الموظف : طيب خذ رقمه ؟؟؟؟؟؟؟ (ممنوع اكثر من اسم في مكالمه) الطفل : طيب ابي واحد ثاني هذا رقم ابو نادر عمي سعد . الموظف : اتصل مره ثانيه لانه ممنوع اكثر من رقم في اتصال واحد . الطفل : اقول وجع .. يوجع بطنك (الفاظ قبيحه).. ترى مالك فضل ... انا ماكلمك مجاني اكلم بريالي . الموظف : يخرج من طوره ( اقول اسمع ............. طوط طوط قفل الخط المكالمه الرابعه : كانت صوت ناعم الموظف : الو ..استعلامات الدليل محمد الــ......, مرحبا الصوت الناعم : عوافي اخوي . الموظف : الله يعافيكم يارب ........ ( اول مره احد يعطيه روح معنويه) الصوت الناعم : لا انا قصدي ابغى مطعم عوافي اللي في العليا . الموظف : طيب خوذي الرقم ؟؟؟؟؟؟؟؟؟؟؟؟؟ المكالمه الخامسه : كانت صوت ناعم اوي الموظف : الو ..استعلامات الدليل محمد الــ......, مرحبا الصوت الناعم : مرحبا اخوي ممكن تعطيني مستشفى العيون للولاده . الموظف : كيف ..؟؟؟؟؟ الصوت الناعم : مستشفى العيون للولاده .. تسمع يا اصقه . الموظف : يبي يصرفها المكالمه مسجله طبعا ( هذا رقمه غير معلن ) . الصوت الناعم : طيب ظف وجهك . طوط طوط انقطع الخط . المكالمه السادسه : كان صوت ناعم.. بنت الموظف : الو ..استعلامات الدليل محمد الــ......, مرحبا الصوت الناعم : هلا اخوي ممكن تعطيني رقم صيدلية السقاف الموظف : تفضلي الرقم ؟؟؟؟؟؟؟؟؟ الصوت الناعم : لا لا لا هذا رقم صيدلية السقاف اللي في الروضه الموظف : طيب ايش فيها . الصوت الناعم : ماهي زينه ... مايبيعون الا فقس .. طوط طوط انقطع الخط . المكالمه السابعه : كانت فتاه ايضا الموظف : الو ..استعلامات الدليل محمد الــ......, مرحبا الفتاه : عيوني. الموظف : بلا هالكلام ايش تبغين .............(عشان المكالمه مراقبه). الفتاه : لا انا ابي محل عيوني للعدسات والنظارات اللي في التحليه . الموظف : ايش اسمه عيوني. الفتاه : لا مو عيونك عيوني انا ياعيوني . الموظف : خوذي رقمه ؟؟؟؟؟؟؟؟ الفتاه : طيب شكرا لعيونك اللي كنها عيون بقره ...ههههههههههههههه الموظف طلع وترك الدوام (مسكيييييييييييييييين) بالله مايكسر الخاطر هالموظف المسكين الله يكون بعونه عجبني ولطشته من أحد المنتديات . |
اقتباس:
بس اعجبتني ذي المكالمه <<<<<<<<<<<فقع ظحك بعدها الله لايهينك أخوك : الحميداني |
اقتباس:
يا كثر هالعينات |
ههههههههههههههههههههههههههههههههه ههههههههههههههههههههههههههههههههه
|
الحميداني الحبابي
أبو زيد ابن وهف الحلقه القادمه على 902 مشكورين لمروركم وتعقيباتكم الجميله لا عدمتكم |
ابن شروح الله يشرح صدرك زي ما شرحت صدرنا
صراحه اني ضحكت لين قلت بس |
اقتباس:
والله إنه يكسر الخاطر ... لووووووووول ولطشه موفقه يا ابن شروح ... وعوافي ... :) |
محمد الا حبابي
سلطان الحبابي هي لطشة اتمنى أعجبتكم وترى والله ذول حقين 902 و 905 يكسرون الخاطر مشكورين لمروركم وتعقيباتكم وعوافي انشاء الله |
يا خي والله يستا هلون وخاصه اهل 902 ----------------
الا نهم يجمدون العملاء دايم 000000000000000000000000 ومشكور وما قصرت 0000000000000000000000 |
هههههههههههههههههههه
الله يعطيك الف عافيه |
| الساعة الآن 03:21 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com