الا يالله عـفوك لا مـعــي بـيـجـر ولا جــوال,,,, ابن جدلان
 

السلام عليكم ورحمة الله وبركاته

مساء الخير ’’’ صباح الخير

اليكم هذه الرائعه لشاعر سعد بن جدلان الاكلبي وارجوا ن تنال إعجاب الجميع

[poem=font="Traditional Arabic,6,blue,bold,normal" bkcolor="transparent" bkimage="" border="double,medium,green" type=4 line=0 align=center use=ex num="0,black"]
الا يالله عفـوك لا معـي بيجـر ولا جـوال
ولا عندي وظيفـه والتجـاره فاشلـن فيهـا
ولاعندي شهاداتـن ولا حرفـه تسـد الحـال
ولا حظن كبيـرن لأخطـت الجـره يقديهـا
مخابي الثوب تومي ما دخلها من زمان ريـال
بها فاتـورة الكهـرب ولا يمدينـي أقضيهـا
على ذيك العراوي تتعب الحادي مع الجمـال
ثلاث شهـور فالورشـه وشهريـن مغطيهـا
ابيها لوتجمـل يـوم واجلبهـا علـى الـدلال
يجيها واحدن حظـه مثـل حظـي ويشريهـا
نصيت العسكريه يوم قالـوا للنظـام إرجـال
و قدمت الملف و صورتن متشخصـن فيهـا
خذ الأوراق مني واحدن ما عنـد أبـوه دلال
سلوم الناس وأهل المعرفه والطيب مخطيهـا
قراها في دقيقه والتفت عجلـن علـي وقـال
شهادتك العظيمه ياولـد ويـن انـت مخفيهـا
هزيت الراس ما عندي تقول اني من البنقـال
وقمت أحـب خشمـه واطلبـه بالله تمشيهـا
حذفها من يده شين الطبيعـه والنبـا والفـال
وقال أزين تعـود صـوب نوقاتـك تعشيهـا
تناوشته من الكرسي وعقت الحل والترحـال
وضربته بالبياله عقـب مـا بيحـت شاهيهـا
خذوني للسجن لانيـب لاظالـم ولا محتـال
مجرد واحدن جـا يكحـل عيونـه فيعميهـا
ويومني خرجت أقفيت لارض الله وسيع الجال
علـى بـرن هـواه يـداوي العلـه ويبريهـا
ادور قصعة الجربوع والضب الفتـى يحتـال
والأرنب ياشفاة الـروح محلاهـا وطاريهـا
بلا كهرب ولابيجـر ولا غـازن ولا جـوال
قوانين الحضـاره لاتبـي شوفـي ولا بيهـا
[/poem]
ردودكم تهمني يالغلاه

تحياتي

رد : الا يالله عـفوك لا مـعــي بـيـجـر ولا جــوال,,,, ابن جدلان
 

رد : الا يالله عـفوك لا مـعــي بـيـجـر ولا جــوال,,,, ابن جدلان
 

بيض الله وجهك يابوعابد

احسنت الاختيار لملك الوصف الشاعر سعد بن جدلان

لاتقطعنا فانت دائما لا تاتي الابشيء ممتع وجزل

شكرا لك

رد : الا يالله عـفوك لا مـعــي بـيـجـر ولا جــوال,,,, ابن جدلان
 

بيض الله وجهك يالسيف

وصح لسانك الشاعر الكبير بن جدلان

وتستاهل سمعة ..

رد : الا يالله عـفوك لا مـعــي بـيـجـر ولا جــوال,,,, ابن جدلان
 

رد : الا يالله عـفوك لا مـعــي بـيـجـر ولا جــوال,,,, ابن جدلان
 

رد : الا يالله عـفوك لا مـعــي بـيـجـر ولا جــوال,,,, ابن جدلان
 

بيض الله وجهك يالسيف

وصح لسانك الشاعر الكبير بن جدلان

ملك الوصف فيك شوي يا ابن جدلان

تحياتي0000000اخوك

رد : الا يالله عـفوك لا مـعــي بـيـجـر ولا جــوال,,,, ابن جدلان