أجمل الأبيات
 

أبا أنذر اللي من ربوعي يبا الطيب
لا يأخذ ألا من بيـوت الشجاعـه
يجي ولدها مـذربٍ كنّـه الذيـب
عزٍ لأبوه وكل مـا قـال طاعـه
وبنت الردي يأتي ولدها كما الهيب
غبـنٍ لأبـوه وفاشلـه بالجماعـه
يا كبر زوله عند بيت المعازيـب
متحـريٍ متـى يقـدم متـاعـه

شالح بن هدلان


الأجواد إن قاربتهم مـا تملّهـم
والأنذال إن قاربتها عفت ما بها
الأجواد وإن قالوا حديثٍ وفوبـه
والأنذال منطوق الحكايا كذابهـا
الأجواد صندوقين مسك وعنبـر
ليا فتحت أبوابها جاك مـا بهـا
والأنذال لو غسّلوا ايديهم تنجّست
نجاسة قلوبٍ ما يفيد الدواء بهـا

محمد المهادي

أحفظ دبشك اللي عن الناس مغنيك
اللي ليا بان الخلل فيـك يرفـاك
وأعرف ترى مكة ولاها بناخيـك
لو تطلبه خمسة ملاليم ما أعطاك
والحر مثلك ما يصحـب الديـك
وإن صاحبه عاعا معاعات الأدياك

بركات الشريف

من لا يديس الرأي من قبل ما ديس
عليـه داسـوه العيـال القرومـي
ومن لا يقلّط شذرة السيف والكيس
يبدي عليه مـن الليالـي ثلومـي
والقصر ما يصلح على غير تسييس
ومن لا تعلم مـا تفيـد العلومـي
تركي بن حميد

شبعنا وشبع الذّر مـن زاد سورنـا
وللـذّر فـي زاد الكـرام معـاش
يعطي العطى من كان ضاريٍ للعطى
ويمنّ العطى من كـان خالـه لاش
ومن لا يعرّب منسبه قبـل منشبـه
تـروح عليـه عيـلانـه بــلاش

مجهول


أحدٍ على جـاره بختـري ونـوّار
وأحدٍ على جـاره صفـاةٍ محيفـه
خطو الولد مثل البليهي ليـا ثـار
زودٍ على حمله نقل حمـل أليفـه
وخطو الولد يا مال قصّاف الأعمار
لا نافـعٍ نفسـه ولا منـه خيفـه

مقحم النجدي الصقري


أخوكم أبومصعب

الاخ ابومصعب لاهنت على هذة المشاركة الرائعة

جميع الابيات معبرة وبها من الفوائد الكثير

اتمنى من الشباب الاستفادة منها احسن لهم من الاغاني الماجنة


اكرر الشكر اخوي ابومصعب

لا هنت على الا بيات الطيبه 000000


واتمنى ا ن يفهمها الشباب ويعملوا بها 000000000

لاهنت يابومصعب على هالمشاركه الجميله .......واللي كلها عبر واحكام


وبيض الله وجهك .......


حبيت اضيف اضافه بسيطه............بالنسبه للأبيات اللي اسندتها لشاعر مجهول

هذي الأبيات للشاعر الكبير (حجرف الذويبي)




اخوك البيرق.............

بسم الله الرحمن الرحيم
أشكر الأخوان أبرق عياش – ابن ذروه – البيرق علي مرورهم علي هذه الأبيات ؛ واشكر أخوي البيرق علي هذه الأضافه وبيض الله وجه الجميع .

أخوكم ابومصعب

لاهنت يابومصعب

بسم الله الرحمن الرحيم
أشكرك أخي ابن وهف على مرورك .

أخوك ابومصعب .