شبكة قحطان - مجالس قحطان - منتديات قحطان - العله اللي بالحشاعيت تطيب

- مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)

- - العله اللي بالحشاعيت تطيب (https://www.qahtaan.com/vb/showthread.php?t=49132)

العله اللي بالحشاعيت تطيب

[poem=font="Simplified Arabic,6,black,bold,normal" bkcolor="transparent" bkimage="" border="solid,thin,firebrick" type=4 line=0 align=center use=ex num="0,black"]
العله اللـي بالحشاعيـت تطيـب=والبـال ضايـق ماتهنـا منامـه
تسببت لي في طلـوع المراقيـب=وهمي كما ليل(ن) يتـوه ظلامـه
جريت بالمـوال ولاحـي الذيـب=كنه يقـول الذيـب هـذا علامـه
رديـت لـه والله ياذيـب مانيـب=آقف مواقيـف الـردا والرخامـه
الآدمـي عايـش حياةالتجاريـب=يومن على جرفن ويومن عدامـه
العرق دساسن على الزين والعيب=ولافيه شخصن في جبينه علامـه
غرتني دقونن على الوجه تركيـب=وأهل التصنـع ماعليهـا ملامـه
جساس يغدر في ولد عمه كليـب=والزيـر سالـم مايفيـد انتقامـه
أهل الحيل والكذب واهل الاساليب=يبطون ماجابوا على الراس هامـه
رجل الوفا يلقى حلال المكاسيـب=ولا الردي يلقـا الرذيلـه طعامـه
رجلن يقرب نفسه الشك والريـب=حرام يلبس لـه ثيـاب وعمامـه
حبل المراجل كايـدن بالمطاليـب=ماكـل رجالـن وفـا بالتـزامـه
رجلن ضوى كن المراجل معازيـب=يفرض على كل الرجال احترامـه
من لا كسب من صافيات المشاريب=راحـت حياتـه كلبوهـا ندامـه [/poem]

اخوكم / سعيد بن فالح القيـــــــر