عواطف ٍ سو على كل مغوار
 

بسم الله الرحمن الرحيم
قصيدة الشاعر / مهل بن محمد الكدادي الهاجري وقد قيلت في الاخ / مبارك المكودر العاطفي القحطاني . امير هجرة اللغف شمال تبراك


[poem=font="Simplified Arabic,4,blue,bold,normal" bkcolor="transparent" bkimage="" border="none,thin,gray" type=4 line=0 align=center use=ex num="0,black"]

الكيف طاب وزان لي نظم الأشعار = وبدعت من فكري بيوت جديــدة
سر يا قلم وأكتب جديـدات الأفكار = وأنـظم معانيها بنظم القـصيـــدة
اقطف من المعنى مثل قطف الأثمار = وأصوغـها صوغ الذهب من حـديـده
صخرتها في مدح وافين الأشبـار = أهل الوفاء وأهـل العـلوم المجـيــدة
أبن المكودر مكرم الضيف والجار = وزبن الرفيق اللي زمـانه ضـديــده
حرٌ ولد حرٌ تسلسل من أحــرار = ماكـر حرار وفي عٌـلا المجد صيــده
من لابة تارد مواريد الأخـــطار = وأفعالـهم بيـن القبايل عديـــــدة
يشهد لها التاريخ في كل الأقـطار = ويفخر بها مـد العـصور المديـــدة
لثارة الهيجاء ودار الرحى دار = خيـالهم ياقـف مواقـف بديــــدة
عواطف سو على كل مغوار = من كادهم عود بغيضه وكيده

حنا لهم لا صار في الوقت ما صار = وهـم ذخرنا لحكت الحيد حيـــــدة
قلته وأنا من لابة كـارها كــار = هواجر من سـاس جنـب وعبيــــدة
حفيفنا لاجاه من صوبنا إنـــذار = يفـزع وتنشـب لقمته في وريــــده
لازعزعو قحطان طار الكرا طـار = وأهتزت عروش القصـور المشيــــدة
سـلم على المسلم وشره للأشرار = ومن كـاد كدنا له بكيـدة وكيـــــدة
مثل ما قال أبن عفيشة بالاذكـار = قحطـان أبونا حـافظيـن رصيـــــده
وصلاة ربي عد همال الامطــار = على نبي جـاب الاريـا سـديــــــدة [/poem]
--------------------------------------------------------------------------------------------

مع تحيات الشاعر : مهل بن محمد الهاجري

رد : عواطف ٍ سو على كل مغوار
 

حياك الله يبو محمد


والله لايهينك وصح لسانك

وعلى الاخرى عانك

كلام من ذهب وبيوت وافيه

والمدح في مستحقه

تقبل تحياتي واعجابي

بكل ماتكتب من وادر

رد : عواطف ٍ سو على كل مغوار
 

اررررررررررررررحب يا ابو محمد

وصح الله لسانك واعتلاء شانك يا الهاجري

وقصيده وافيه وراعيها وافي ويستاهل المديح والقصيد ابن عاطف


وننتظر جديدك يا القرم

اخوكـ البشري

رد : عواطف ٍ سو على كل مغوار
 

بيض الله وجهك يابومحمد

على القصيده الوافيه من شاعر جزل

لاتحرمنا من قصيدك الجزل طال عمرك

وكفيت ووفيت في الممدوح

رد : عواطف ٍ سو على كل مغوار
 

بيض الله وجهك يابو محمد

انت وافي وقصيدك وافي


ويستاهل المدح وجه قحطان

اخوووك

رد : عواطف ٍ سو على كل مغوار
 

صح لسانك يالكدادي

ويستاهل الممدوح

وما عليكم زود ياوجيه قحطان

رد : عواطف ٍ سو على كل مغوار
 

ماعليك زود يالهاجري


وصح الله لسانك


وبيض الله وجهك

رد : عواطف ٍ سو على كل مغوار
 

صح الله لسانك وبيض الله وجهك وتقبل مروررررررررري

رد : عواطف ٍ سو على كل مغوار
 

ارررررررررررررحب يا بو محمد


وصح الله السانك

ووجيه قحطان يستاهلون المدح

رد : عواطف ٍ سو على كل مغوار
 

صح الله لسنك