قفا نبكي
 

هذه قصيدة من بين عدَة قصائد موجهة للشيخ محمد بن سالم بن علي آل نملان،
وسوف اقوم بنشر بقية القصائد في هذا الموقع المميز بإذن الله.


[poem=font="Traditional Arabic,6,black,bold,normal" bkcolor="transparent" bkimage="backgrounds/20.gif" border="inset,medium,gray" type=4 line=0 align=center use=ex num="0,black"]
قفا نبكي ترا ماهي قفا نبكي على الأطلال = قفا نبكي تراها من فراق الخل خلانه
حقيقة واقعة والتجربة في حاجة الإدلال = وأنا عندي على هرجي دليل يجيك برهانه
تفاول يا قصيدي من سواليف التجارب فال = تعدِّيك الخطر باذن الله الرحمن سبحانه
نصبّ الدله اللي من خذا من مابها فنجال = يطير عماس راسه ويهدا خفاق وجدانه
جمعت البن الاشقر معه هيلٍ جوف صفر دلال = أمدَه للنشامى والنشامى كيفها ألحانه
على مبدى فحول الشعر مابدَلت حال بحال = ولا صكيت بيتٍ فكًوا الشعَار بيبانه
على ورثٍ لابوي وجدي وورثٍ لي ولازال = عليه اركي وهو المركى وهو المعناز واركانه
سبحت من البحور البحر ابوغبّه بعيد الجال = وجيتك منه باغلى ماحوى لوله ومرجانه
سواليفٍ طرايا والطرايا والجزال جزال = وعلي الهرج تثمينه ومنك الهرج ثمّانه
قصيدي يا قصيدي سل سيفٍ في اللقا قتّال = يلوح الموت في حدّه وفي حدّه وفي لسانه
ترى ياهاجسي ما عاد فيها للسّحا مدخال = قضينا ديننا الاول وجينا اليوم ديَّانه
نموت ولاندوّر من ورى المقفي رضا وريال = نموت ونجزي المحسن على فعله واحسانه
نمد الطيب لاهل الطيب والمكيال بالمكيال = ومن يبخس حقوق الناس ياقبحه وخسرانه
وانا في ذمِّتي دينٍ علي ماينقضه فتّال = ولا أقدر على ردَّه ولا شكره وعرفانه
انا يوم السنين محال مدري قاربت الامحال = فزع لي من فزع لي يوم ربي قدّر وعانه
فزع لي وافيٍ مطلق كريمٍ شهم ندر خصال = عروبة ساس خاله من عروبة ساس جدّانه
فزع لي من يمينه مرتع الجودات والمدهال = لو ان ماتملك الا لحمها تعطيه طربانه
يمينٍ لو خلت من المال ما تخلى من الافعال = وراسٍ لو يدندن للوفا والطيب دندانه
وعزة نفسْ واخلاقٍ خلقها الله جسد رجّال = وقوة عزم ما يشكي من حمولٍ على امتانه
وسطوة شاجعٍ لي قال قولٍ قال قول وطال = وحكمة شايبٍ شيّب زمانه شعرة اجفانه
رفيقٍ يتعب الرِجلي رفيقٍ يتعب الخيال = رفيق ينزل الميدان وتقول انْه ميدانه
رفيقٍ له على روس الجبال النايفات جبال = عشقها ثم رقاها ثم عليها نصَ صيوانه
رفيقٍ رفقته ماهي برفقة دنفسه واذلال = يعزَ اللي يقدَر رفقته ويزيد في شانه
وخويٍ خوته ما هي بخوَة مصلحة أو مال = يهين المال ويعيش الحياةالمال ماهانه
وصديقٍ صادق مايسمع الحسَاد والعذال = عليهم شن غارات الجفا ويسوق فرسانه
بعض وصفه على مبدى القصيده جا رعد وخيال = وباقي العلم تفصيلٍ مابين اسمه وعنوانه
هذا اللي لاذكرت اسمه بعض الاسما يجيها خبال = وهذا اللي ليامنه حضر تختف عدوانه
وهذا اللي لياطرّي على روس الرجال يقال = قليل وصف هذا الرجل في جيله وفي اقرانه
وهو والله قليل وصف ابن عمي على اية حال = لأنه ساق رجله والدروب دروب شيبانه
سلام الله على محمد ولد سالم سلام إجلال = سلامٍ ريحته مسكٍ وعود ازرق وريحانه
عليه من الله تسليمي في الإقفا وفي الإقبال = وعليه من الله تعويذه من الشيطان وأعوانه
ولك الله ياطويل العمر ماسجَ وهدا لي بال = وعليكم جايعٍ قلبي وكبدي والله ظميانه
وتعال اسمع كلامي وافطنه ياخيرة العقَال = كلام الصدق جاك الصدق تدليله وبرهانه
قفا نبكي ترا ماهي قفا نبكي على الأطلال = قفا نبكي تراها من فراق الخل خلانه

الشاعر/ علي بن محمد بن عون آل نملان الحبابي
[/poem]

رد : قفا نبكي
 

ارحب ملايين يا بو محمد ...

أسعدتني والله بأولى مشاركاتك في شبكة قحطان بهذه الرائعة ...

صح لسانك يا بو محمد ... ونتوق لبقية روائعك ...

و الشيخ محمد بن سالم بن نملان يستاهل المدح والثناء ...

فالطيب ليس غريب على مثله وشرواه ...

كيف لا ووالده الشيخ الكبير سالم بن علي بن عون بن محمد بن نملان شيخ قبائل الحباب - وادي ملاح ...

مضرب المثل في الشجاعة والكرم والطيب والشجاعة والحكمة ...

فطيبه وطيب ربعه وعلومهم الغانمة متوارثة من أسلافهم ..

أطال الله عمره وعمر والده الشيخ سالم بن علي بن نملان وأخوه الشيخ ظافر بن سالم آل نملان ...

أكرر شكري لك يا بو محمد ...

ولا تقطعنا يا ذيبان من بقية قصائدك ...

أخوك / مشاري بن نملان الحبابي

رد : قفا نبكي
 

رد : قفا نبكي
 

أرحب ياعلي والله يحييك

قصيدة رائعة وقيلت في من يستحقها فعلا ً

والنعم بكم جميع

ننتظر جديدك يالذيب

رد : قفا نبكي
 

رد : قفا نبكي
 

بسم الله الرحمن الرحيم

مرحبا 1000000
يابو محمد وصح الله لسانك
وابو ظافر يستاهل المدح

اخوك اللي مايخفاك

رد : قفا نبكي
 

صح الله لسانك واعتلى شانك



مرحبا بك الف
ويسلم راس من دلك علينا

وان شاء الله تستفيد وتفيد..
وتبدعنا بقلمك المنتظر

وكلنا في انتظار مشاركاتك…
اطيب التحيات وارقها…

رد : قفا نبكي
 

صح لسانك

ولاهنت ابو محمد




وننتظر المزيد منك

رد : قفا نبكي
 

[poem=font="Simplified Arabic,5,red,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
مقدامهم في الريب ولد بن نملان= صبيهم لا دار للمدح جابه[/poem]



[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ولا كما الاحكام حكم بن نملان = الا حكم ماهو يزل الصوابا[/poem]

رد : قفا نبكي
 

بيـــــض اللـــــه وجـــيهكم...ولا خـــلا ولا عــــدم..(وانضمـــامي أليـــكم فــــي هذا المنتـــدى الممـــيز وســام شـــرف علــــى صـــدري)..|