طيــــب الســــيرة
 

قصيدة تشرفت بإلقاءها على مقام مولاي خادم الحرمين الشريفين



في روضة خــــريم

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
الديره اللي جعلها الله لنا ديره=تطعم من قلوبنا .. من قبل نطعمها
لا لاح براقها وساقت تباشيره =كنْه يتحضن سماها ويتهيمها
في عرض نو نسيم الطايف يثيره=وتشعاه شم الحجاز وسكبة قممها
وان طاف سودة عسير وقامت تذيره=يطبع على خدها حبه ... ويرزمها
وان كان حدر وزانت له محاديره=يقبل على نجد ويضيق مناسمها
تصبح بعد ما يكفكف وبله مخيره=يرعون بدوانها زوفة نعايمها
ديرة زعيم العروبه طيب السيره=حمّاي حرمة بيوت الله وخادمها
اللي ليا وقف تسوقه صعاطيره =لاجس متن القضية جاب قادمها
وان كبر رأس العدو وأرسل مناذيره =يكوي علابيه لين يشيط ميسمها
من رأس عود يحير الجمع ويديره =لاقام له قومة ٍ .. ما احدٍ بقايمها
جاء من وراء الحد الاقصى يشعب بعيره =مع أربعين على الهجن ... يتقدمها
عشرين عام ونجد تدير تفكيره =الين قرب يخاشرها معالمها
ساقه لها الدين والتاريخ والغيره =ولا رضت غيره من الناس .. يحكمها
سطر على ترابها اعظم اساطيره =وحدودها جمع أشلاها ورسمها
واليوم يحيا لنا اللي ننعم بخيره =بو متعب اللي مخاليبه يدسمها
فرض على الشعب تبجيله وتقديره =بالطيبه اللي محبتنا غنايمها
لا مر في شارع كثروا جماهيره =شوفتْه تكفي عن اقضيّا لوازمها
بنك الظفر كان للظفران تسعيره =لا غليت اسعارها جاها يحطمها
أصدق من سهيل في هرجه وتبريره =الكلمه اللي يبديها يوسّمها
تقفي مجاهيمه وتقبل مغاتيره =في ساعة يستبيح البنت محرمها
يقدم على قداه ما يحسب مخاسيره =ويقطع يمين النوايب ما يساومها
لبببببى هذاك الجبين اللي تعابيره =تكتب أمان القلوب ويرفع قيمها
كنه عن صدوف بقعا يعطي الجيره =ترضخ تحت سطوته لين يتخدمها
كريم كن الكرم يجذب مساييره=تقلط عليه اللحى العطره .. ويكرمها
بحر الندى اللي ترسي به بوابيره =في كل يوم تعجب من تزاحمها
وحنا رجاله .. تحت امره وتدبيره=ننطح وجيه العدا بأمره ونكعمها
نبدأ بتهليله ونختم بتكبيره =زحول حرب يسير الموت في دمها
يوم السعد يومنا وغنا لنا طيره =عاد العدو يبني احلامه ويهدمها
اليا زهمنا الوطن كل على طيره =لا عزت أرواحنا وشلون نرحمها
لين الكبيره تحول عندنا اصغيره =والعاصيه قبل شب الطوق .. نشكمها
ابقدرة اللي يسخرنا بتسخيره =يضرب بنا الأرض وندوّم بظالمها
وبقيادة إمامنا اللي ما نبي غيره =صقر العروبه وقايدها وملهمها
مقدم اهل المكارم طيب السيره =حمّاي حرمة بيوت الله ... وخاااااادمها [/poem]

رد : طيــــب الســــيرة
 

أخوي عوض لافض فوك على هذا الإبداع بارك الله فيك

تقبل مروري ..

رد : طيــــب الســــيرة
 

اررررررررررررررحب يا عوض
والله يحييك في محلك بعد طولة غياب


وصح الله لسانك واعتلاء شانك


وشهادتي فيك مجرووووووووووووحه يا كحيلان

وطيب السيره يستاهل المدح والقصيد

ولا تقاطعنا يا عوض
وننتظر جديدك

اخوكـ البشري

رد : طيــــب الســــيرة
 

رد : طيــــب الســــيرة
 

صح لسانك

رد : طيــــب الســــيرة
 

صح لسانك اخوي عوض

قصيده جزله


لاهنت يالغالي

رد : طيــــب الســــيرة
 

صح الله لسانك يا بو عبد الرحمن

من اجمل ما قرات على الاطلاق فالمنتدى

لاهنت على الابداع

تقبل تحياتي

رد : طيــــب الســــيرة
 

رد : طيــــب الســــيرة
 

صح الله لسانك .... ياشاعر قحطان العريبة
بيض الله تعالى وجهك وننتظر جديدك

رد : طيــــب الســــيرة