قصيدة المشاركة في لقاء مدير جامعة الملك فهد 2008
 

[poem=font="Simplified Arabic,5,black,bold,normal" bkcolor="transparent" bkimage="" border="double,medium,gray" type=4 line=0 align=center use=ex num="0,black"]
أوف يا بري حالي ويا كبر عزي ونوفه=يا اسم وسام لصدري وعلى الطبلات شناف
كفو يا كفو بي إم والله ما انتي بمطيوفه=والله انك العاصمة واللي عاد دونك أرياف
نوف و صرح له امجاده تربت على كتوفه= للزعامة كفو وللفخامة بي إم الاتراف
ما رضيتي بالدون دوم على العليا ولوفه=كسبتيها كسب القويين ما هو تلقاف
جيناها بوتر ليهي مثناة ومعطوفة=بفرحة عيد وبيرق على روس الاطناف
ولو إن قسمنا ما يسد للخاطر شفوفه=ما يقنعه سد الرمق ولا يقنع بالكفاف
لكن عرفنا إن النخل كرنوفة كرنوفة=ولا بد من كسب المجد مع كل الاطراف
لا فاتنا أولها فتر ما على التالي حسوفه=لكن تروا أوضاعنا أحسن من هاف وهاف
نتفيا في سمانا بالسما وقاعه قنوفه= سمانا خالد السلطان يا كبره على القاف
يتعب اتباعه وعلى شوفي تكمل وصوفه=ياراعي الحزوم اللي على ظهور الفياف
لا دق بق بن نجره كنه يزهم على ضيوفه=جوك كل الضيوف منهم متنعل وحاف
في ذرا بن سعود والعدوما يلقى إلا حتوفه=الملاقى في الوغى مثل ملاقى سم زعاف
وصلاة ربي على من قام بالشرع وكلوفه=النبي الهاشمي اللي يتحف القلب إتحاف[/poem]

وتقبلوا تحياتي

رد : قصيدة المشاركة في لقاء مدير جامعة الملك فهد 2008
 

صح لسان الشاعرعلى هذه الرائعة

ومشكور اخوي بن القيم على نقل القصيدة

تقبل مروري

رد : قصيدة المشاركة في لقاء مدير جامعة الملك فهد 2008
 

ارحب يبو مقبل

الله لا يهينك على احضار القصيدة هنا

واشهد بالله انك نومست بنا يا راعي الماقف اللي يجمل

من الطرائف ان الشاعر اعتذر قبل القاء القصيدة من اهل جدة واهل الغربية لانهم لن يفهموا شيئا

فضجت القاعة بالضحك

اخوك

صالح السنحاني

رد : قصيدة المشاركة في لقاء مدير جامعة الملك فهد 2008
 

الأخ أبو مبارك العابسي

متشكر جدااااااااااااا على المرور

رد : قصيدة المشاركة في لقاء مدير جامعة الملك فهد 2008