شبكة قحطان - مجالس قحطان - منتديات قحطان

بسم الله الرحمن الرحيم

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يالله سترك من حسد كل شيطان=وأن ترحم عباد" كثير" خطاها
ياحي ياقيوم ياخير رحمان=يا محيي الجردا عقب نشف ماها
أنت العزيز العالي بكل محيان=يا عالم" ما بين الأرض او سماها
سبح لك الحوت بأحجار مرجان=وسط البحور إلي هلك من وطاها
الله وأكبر يأبن آدم ليا حان=يوم" أتلاقي كل نفسن جزاها
أمدونه الأعمال بأسطور ليحان=والنفس ماتوخذ بذنب لسواها
ماني بتباع لخرافات الأديان=دربي علي السنه وهاوي قضاها
ولاني بأثنيها على كل فسقان=ولاني بأوردها شحيحة أرشاها
أرقا بها في ماكر أفروخ شيهان=ألي على العليا تواطن لحاها
قوم" ليا منه كسا الجو دخان=دارت على كبود المعادي رحاها
تارد حياض الموت لو كان ما كان=ميارد عرب" الضما في حشاها
عبيده أو بشر أو رفيده وسنحان=أو جحادر" وحباب سقم ألعداها
أعيال ابن هود المسمى بقحطان=ساس العرب الامجاد في محتضاها
لو ناشها من نايش الوقت نيشان=ما تبدي أعذار" لضيفن نصاها
كم من يتيم" نكفله ماله أخوان=في ظلنا مما نمده تباها
في صرحنا للمرجله دوم سيسان=وفي دارنا تلقى الجويعه عشاها
في صفحة التاريخ تلقا لنا شان=وأفعولنا واجد ولا أحد" حصاها
لامات شيخان" ظهرنا بشيخان=وأشيوخنا الجزله مواري عطاها
قحطان يالخامل كما طيور حوران=عجزت شباتك ما تدنس نقاها
مثل الجبال ألي على صفح وديان=بين القبايل عالين مستواها
لا تلاحي القيفان زور" وبهتان=ولاتروي أحداث" محد" رواها
حنا سلاطين" على كل سلطان=وقحطان جعلك يالهلامه فداها
يشهد على ما أقول وقعة أعقيلان=ثلاثة الجذعان راحو زكاها
وسيف أبن لبده مسمى بفسقان=كم حضرمية" جبها من أخباها
وصبحا خذيناها مع راس وطبان=تدفع لنا الجزيه ولا أحدن نفاها
الوهوهي أو ماسل ودلو قران=وحويمضة وأرمض وكتنه وراها
وأدساس والهدبا ومزهر وبتران=وبجاده ومنجور يشهد حصاها
وعرض القويعيه ليا راس رقعان=والخروعيه والفويلق قفاها
والرين ومبهل لا ورا وادي أعنان=ودسمان والدمثة محد" وطاها
لو الجبل ينطق تحاكا لك أذقان=بأفعال أبن هادي حامي أحماها
منا الشفاليت أو قرانيس هدلان=ومسعود مسقي البيد قرة أدماها
تسعه وتسعين" غدو شلاش شتان=تسلم يمين المسردي في وفاها
من مجدنا لو أكتب ألفين ديوان=ما ظن يجزي لابتي محتواها
وكل القبايل وافيه دون نقصان=من شرقها لشام محد" قداها
والنعم فالسبعان ذربين الأيمان=زبن الضهيد ألي وزا فأمحجاها
حنا وهم عشنا كما حسبة أخوان=وبدري على السفهان تخلف نباها
هذا وأنا شاعر صميدع وبطران=وأقدر أوجيه الرجال وقراها
سبيع أيمثلها شروا أبن حنان=ولا أنت نفسك ما ردعها رداها
شد العزم في مواجه الذيب سرحان=وأدرا بنفسك لا تخمخم ثراها
وأسمي ترا خالد خجيم ابن زبران=نفسي شجاعه ما تحسب أعداها
أمن الغضاه ألين شرقي نجران=دار المعزه من بغاها لقاها
واليوم كل" صار له فعل ولسان=في ضل أخو نوره حامي أصباها
عبدالله وسلطان ونايف وسلمان=اللابه ألي عايشين بذراها
من جفرة سكاكا ليا حد جيزان=من خيرها عم البريه رخاها
الله يديم الحكم ويديم الأمان=في دولة" شع البدر من سناها[/poem]

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود