****النصيحة الصادقة****
 

بسم الله الرحمن الرحيم

[poem=font="Arial,6,blue,bold,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"]
يافيصل أتعبت الركايب والأصحاب=وتعبت وأتعبت القدم والنجيبه

وصبرت صبر أيوب والنور ماغاب=بأمر الله المعبود موفي طليبه

وأقدم على الشدات يابوك ماهاب=والعبد في دبرة وليه وغيبه

من أجل عز النفس نبحث للأسباب=ومن لاتعب ماذب رأس الرقيبه

الصبر ثوب العز راعيه ماخاب =وفي الصبر للأنسان عزه وهيبه

يافيصل أوصيك ياطيب طاب=إحرص على وصيتي في المغيبه

أوصيك في تقوى الولي رب الأرباب=رب خلق الأنسان والمعتنيبه

وأركان رب البيت لك نور وحجاب=يحفظك إذا كبرت عليك المصيبه

يابوك أناأوصيك في أمك والأقراب=وأخوانك إحرص لايجيهم غليبه

والعلم فإ ن العلم نور للألباب=من لاتعلم جاهلا وشتبيبه

وترى الشرف والدين يابوك غصاب=من لاحفظ لاثنين ياكبر عيبه

والمنسب الطيب ترى العرق جذاب=دور على شرواك ماهي غريبه

والجار فإن الجار له حق وحساب=من لايحسب حقوق ربي غديبه

وأحرص ترافق من تردى ومن عاب =من رافقك يابوك طيبك بطيبه

رافق هل الطاعه هل الدين وكتاب=تسلم من الأشرار وأهل المعيبه

خذ الحكم يابوك من واحد شاب =يبغي لك التوفيق والله حسيبه

هاذي وصاتي فيك ياذيب ياعقاب=يامعرب الجدين مافيك ريبه

فيك الأمل والظن يابوك ماخاب =باني عليك أمال عمر صعيبه

وصلاة ربي عد ماهب هباب =على رسول كلنا نهتديبه[/poem]

رد : ****النصيحة الصادقة****
 

ارحب ياسفر ارحب ..

والله يصح لسانك ولا يهينك على ذا الجزله وذا الوصايا الطيبه
والله يخلي لك ولدك فيصل ويجعله عز ليمناك ومسند لظهرك ويصلحه نشالله

لاهنت

رد : ****النصيحة الصادقة****
 

أخي الكريم الأستاذ سعيد بن مانع تحية طيبة وألف شكر لمرورك فأنت من شجعني أسأل الله الكريم أن يرفع قدرك ويجل شأنك وأن يصلح لك أيضا أبنائك وأتشرف بأي ملاحظه على الخاص لك أو لأي من القراء تقبل تحياتي ومبارك عليك دخول العشر .

رد : ****النصيحة الصادقة****
 

تسلم على هذي النصيحه الجزله والله يصلحلك فيصل واولادك

صح لسانك ومقصرت وننتظر المزيد

مشكوور

رد : ****النصيحة الصادقة****
 

أسعدني مرورك وبيض الله وجهك

رد : ****النصيحة الصادقة****
 

يابوك أناأوصيك في أمك والأقراب
وأخوانك إحرص لايجيهم غليبه

والعلم فإ ن العلم نور للألباب
من لاتعلم جاهلا وشتبيبه

وترى الشرف والدين يابوك غصاب
من لاحفظ لاثنين ياكبر عيبه


صح الله لساااااااااانك , وترااني ظلمت نفسي يوم أخترت هالأبياات وتركت باااقي القصيدة لأنها تحير فعلاااااا....

والله يصلح لك نيتك وذريتك....

وأتحفنا بالمزيد..........

رد : ****النصيحة الصادقة****
 

وياك يأبو صقر الله يبض وجهك ويصلح لك ذريتك.....

رد : ****النصيحة الصادقة****
 

انا اشهد انها نصيحه وبيض الله وجهك

رد : ****النصيحة الصادقة****
 

أخي تركي بارك الله فيك وشكرا ً للمرورك المميز وتقبل خالص شكري............

رد : ****النصيحة الصادقة****