من قصص يام وقحطان
 

هذه القصة جرت على محمد بن القينه من الاسلوم من قبيلة يام المعروفه ، كان محمد جار لاآل حشيشه الخنافر قحطان والمعروف أن البادبة دائماٍ يبحثون عن الارض الصالحة لاحلالهم فقد ذهب اليامي مع جيرانه (طواف) يبحثون عن المراتع الخصبة لادباشهم وعندما وجدوا الديره اللي تناسبهم وتناسب مواشيهم رجعوا ليحضروا أهاليهم وحلالهم وتسابقوا الخنافر على غنم جارهم اليامي وحملوها إلى المكان الخصب وتركوا غنمهم وإبلهم متأخرة (إثار وتقدير للجار وهذه من شيم العرب) ولم تصل أدباشهم إلا بعد ثلاثة أيام وعندما نزلوا عنده في اليوم الرابع أوقد ناره (شب ضؤه) وضرب الهاون (النجر) وقال لولده أذبح لنا خروفين لجيراننا قبل أن يأتوا ويحلفون ولما تقهووا قال تفضلوا الله يحييكم على العشاء وقد قلت أبيات قالوا العشاء ماهو أهم عندنا لكن اسمعنا الابيات فقال في مدح جيرانه آل حشيشه وآل حشيشة بالمناسبة خوال هادي بن قرمله فقرملة هي قرملة بن هادي بن دلعان آل حشيشة الخنافر :
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ياراكب اللي تو ما جاء جديدي=يعطي على ما ريد زين التواصيف
يبعد عن اللي قصرته ما تفيدي=ويقثرب من اللي قصرته لي على الكيف
يالاجنبي ياللي ديارك بعيدي=عليك باللي يكرم الجار والضيف
أنص الخنافر ضاهدين الضديدي=كسابة الطولات لا سلوا السيف
تسمن بهم عرباً سوات المعيدي=وقصيرهم يحشم ولا يلحقه حيف
كسابة للمدح قول وكيدي=قول على ما قيل ما هوب تزيف
انشر لهم بيضاء كما ثياب عيدي=بيضا لهم تبنا بروس المشاريف
بيضاء لا بن هباش وبن سعيدي=وربيع عيد الركاب المناكيف[/poem]

ابن هباش هو محمد بن علي بن هباش
بن سعيدي هو جمعان بن سعيد وقيل أخوه محسن
ربيع هو ربيع بن عبدالله بن سعيد ... وجميعهم من آل حشيشه الخنافر .


وسلامتكم

رد : من قصص يام وقحطان
 

يعطيك العافية اخوي علي على السالفة الجزلة ..

وبيض الله وجهك ونعمن بال حشيشه وال معلا والخنافر وجية ال دهيم ..

وتقبل تحيتي ..

رد : من قصص يام وقحطان
 

سالفة جزلة من رجال جزل

ونعم في الخنافر كلهم

تقبل تحياتي

رد : من قصص يام وقحطان
 

ابو شداد بيض الله وجهك وفعل الطيب ماهو غريب على ربعنا

ومدح اليامي في مكانه واذا انمدح واحد في قحطان فهو لنا كلنا

تحياتي لقحطان

رد : من قصص يام وقحطان
 

والله ونعم يالخنافر اول وتالي


انا اشهد انهم يستاهلون المدح والطيب مايستغرب من هله


لاهنت عالسالفه يابن شداد

رد : من قصص يام وقحطان
 

الاخ علي

شكرا لك على القصه والقصيده

والخنافر يحرون بالعلوم الطيبه
لاهنت لاهنت

اخوك / مرعي بن دواس الحبابي

رد : من قصص يام وقحطان
 

أرحب يا أبو إبراهيم ...

ولاهنت على إيراد هذه السالفة ...

رد : من قصص يام وقحطان
 

ونعم يال حشيشه وبيام ولاهنت على السالفه..

رد : من قصص يام وقحطان
 

رد : من قصص يام وقحطان
 

والله ومليوون نعم بنسابتنا آل حشيشه

والله لا يهينك يابن شداد