سلماني .. عبيدي .. قحطاني
 

[poem=font="Arial,5,firebrick,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
لاني بلا مجني ولاني جاني=وانا كتبت وسابقتني دمعه


هي دمعة الفرحه او الاحزاني=ما صرت أفرق بين ثلج وشمعه


من سبة اللي بالهجر جازاني=ما جاه مني ما يكدر سمعه


خذيته بصدري بعد ماجاني=يشكي هموم ٍ بالحشى مجتمعه


اتقول همي مثقل ٍ امتاني=قلت ارحبي للهم من يقتلعه


باسكنك جنه بوسط اجناني=واجيب من زرعي يزين زرعه


واعيش حلم ٍ ما حسبته فاني=نفسي مع الخلان دايم طمعه


واذا بغدره يغزو البلداني=من غير تعليل ٍ تبادى رفعه


وش علمها تعزف بشين اللحاني=والا دلع؟ ياشينها في طبعه


من فعلها يصبح حلاها داني=وطيتها بالقدر ويّا السمعه


انا شموخي يعتزي وينخاني=ويقول ياربعي وانا من ربعه


لي الفخر لاقيل يالسلماني=جدي خذى درب المراجل شرعه


انا عبيدي وافي الجداني=من رؤوس قوم ٍ ما تخاف الفزعه


يابنت انا في لابتي قحطاني=ما ارخصت نفسي بين جمع وجمعه


لاضاق صدري يفزعون اخواني=ويزيد عزي ياصفر ياسبعه


نحن اللذين اذا دعى الميداني=لم نخشى دون الحق ضبع وضبعه


من بحر عز الشعر جت قيفاني=صفيتها مثل الذهب في لمعه


هذا القصيد وللحديث اثماني=يالله عفوك من جحيم وقمعه[/poem]

رد : سلماني .. عبيدي .. قحطاني
 

رد : سلماني .. عبيدي .. قحطاني
 

صح الله لسانك

رد : سلماني .. عبيدي .. قحطاني
 

حيالله بو علي


كفو كفو كفو


صح لسسسسسانك مليون ياكحيلان



مبدع

رد : سلماني .. عبيدي .. قحطاني
 

صح الله لسانك وابيض وجه ...لاهنت

رد : سلماني .. عبيدي .. قحطاني
 

رد : سلماني .. عبيدي .. قحطاني