ياجار كانك طعتنـي برقـع الطيـر
 

الشاعر يخاطب جاره بان يبرقع بنته لأنها كبرت وأصبحت جميلة وهي مداعبة جميلة من

الشاعر لصديقة ومدحاً لجمال وعفة إبنته .

الشاعر : هادي الرزقي









ياجار كانك طعتنـي برقـع الطيـر

طيرك وحش واقلوبنـا مستميتـه


لولاي رجلٍ من رجال بهـم خيـر

ماصد واغض النظر مـن بخيتـه


ياجار طيرك كل ماعرّض اعصيـر

مـدري علامـه يلتفـت مادعيتـه


يمر كنّـه شـارد الصيـد لاذيـر

لابوه لابـو حـي حيّـه ، وميتـه


اغير,وانذر ، وانذر القوم ، واغير

وابيع روحـي ، وانهـزم لابغيتـه


يردّنـي ياجـار طبـعٍ لنـا غيـر

الجـار مانـدرج الغـرات بيـتـه


يبقا على حشمه ، وشيمه ، وتقدير

ويـروح عنّـي بالـردا ماقفيتـه


من خوف شيِ مابعد صار ، ويصير

يامّا هدمـت البيـت ، والاّ بنيتـه


بعدٍ عـن الهيّـن معـزّه وتوقيـر

ورجمٍ على غيـر النقـا مابديتـه


يحدنـي يـم الخطـا دون تبريـر

الـي بلانـي بالهـوى ، مابليتـه


وانا بشر منـي خطايـا وتقصيـر

الله يغفـر كـل ذنــبٍ جنيـتـه

رد : ياجار كانك طعتنـي برقـع الطيـر
 

الله الله

عز الله ان هذا الجار اللي يخلص لجاره القول

اما جيران ذي الايام

الا نصحته في عواله كنك تهينه

لا هنت يا خالد

تشكرااااااااااتي

رد : ياجار كانك طعتنـي برقـع الطيـر
 

ماتقول الا الصحيح يالسنحاني

وهذا منتشر في الفترة الأخيرة من عدم المبالاة والتهاون في بعض الأمور

لاهنت ياذيبان لاهنت

رد : ياجار كانك طعتنـي برقـع الطيـر
 

الله الله

ابداااع


طرح رااقي وقصيده جميل

دمت بوود