وجدّي يوم صبّحـه العطـاوي
 

قصيدة الشاعر الجزل سعد بن مناحي بن شفلوت


((( ابن حبشان )))


[poem=font="Simplified Arabic,4,white,normal,normal" bkcolor="transparent" bkimage="backgrounds/26.gif" border="none,4,gray" type=1 line=0 align=center use=ex num="0,black"]
أحب التمشيه في كـل ديـره=واحب المشي في جو ٍ خـلاوي

مع نبتـه ونسناسـه وطيـره=دوى اللي مايداويـه المـداوي

أشوف العشب وأستنشق عبيره=وأسلّي ضيقة القلب الشقـاوي

مع خبت من خبوت الجزيـره=خلا ! ماداجه مدوّر وشـاوي

بعيـد مـن القنـوات المثيـره=ومن شوف المصايب والبـلاوي

ومن هذا الزمان ومن دشيـره=هل الدّجه وجلسات القهـاوي

ومن تشويه الأسمـاء الشهيـره=وتبديـل المحاسـن بالمسـاوي

أسـج بخـوة وجيـه ٍ سفيـره=رجال كلهـم فـوق الهقـاوي

هل الخـوّه بالأيـام العسيـره=ولاهم من مـدوّرة الحكـاوي

خفاف نفوس وسيوف شطيـره=وساع صدور مافيهم قصـاوي

نشاما كل منهم فـي ضميـره=يكنّ الخير من قلب ٍ صفـاوي

على اللي ما بعد نـزّل سبيـره=على قطع الفرج دايم جـراوي

من خيار الموديـلات الأخيـره=في اكس ار ٍ كما الحر النداوي

يشق القـاع والأرض الغزيـره=ويرسي مع صعيبات المـلاوي

لا قفّى يشعق القلب بصفيـره=والى اقبل كنّه السيل النحـاوي

بدايـة يومنـا خيـر ٍ وخيـره=مع تيسيـر عـلاّم الخفـاوي

لا صلينا الفجر والضـو نيـره=يدور الكيف والتمر الحسـاوي

دلال نحّـرت جمـر الدهيـره=وبن ٍ يكسر عماس الشفـاوي

وهرجنا فـي شريعتنـا المنيـره=قبل لاشراق في جـو ٍ نقـاوي

وذكرنـا الله عـلاّم السريـره=ولاحدٍ من دعاء ربـه غنـاوي

ولا نذكر على العزبـه قصيـره=لزومٍ نحتسي كـل الدعـاوي

ومن حاف الشغل ما أحد ٍ يديره=وكل ٍ فـي لزومـه مايـراوي

ورزّينا النصع في أعلى الجديره=لين يغدي من الشاطر شـلاوي

وماضي الوقت والخيل المغيـره=لها من بيننا سـوق ٍ غـلاوي

ونذكر من سير الأمجـاد سيـره=فعول اهل المواقف والعـزاوي

مثل فعل المهادي مـع قصيـره=وجدّي يوم صبّحـه العطـاوي

وأبن هادي وأبن هندي وغيـره=وأخوهملا وفجحـان الفـراوي

وهـرج مايجـي فيـه تغييـره=رواية راوي ٍ مـن علـم راوي

قضينا أيام لو ما هـي كثيـره=لكن يِرجِع بها القلب السناوي

ضعيف الراي فيها ما أستشيره=ولا أدري من غلاها كم تساوي

سموم القيض والبـرد وهجيـره=ماتردع لفحة القلب المهـاوي

تعيش الروح في حبـه أسيـره=وقلبي في هواه اصبح فـداوي

وأنا بين القدر شـره وخيـره=قضيت الوقت امال ومنـاوي

لكن ما ينعش القلـب ويثيـره=يكوون البر !! والجوّ الخـلاوي

‘‘ ‘‘ ‘‘ ‘‘


وسلامتكم [/poem]

صح السان الشاعر



وتسلم يمناك علي القصيده

اخوووووك المعمري

صح ابدنك وصح الستن ابن حبشان

ولاهنت على المرور

الصالاني زي ماعودتنا ......
ان كتبت ماتكتب الا الجززل
وان نقلت ماتنقل الا الجززززل ....
بيض الله وجهك يالذيب على هذه النقله الاكثر من راااااائعه

صح لسانك اخوي


وسلمت علي الابيات


ويعطيك العافيه ونتمنى لك دوم التوفيق


اخوك المقبااس

اررررررررررررررحب يالهاجري


بيض الله وجهك

وصح لسان الشاعر المبدع الغني عن التعريف
سعد ابن حبشان

صح لسان ابن شفلوت
وبيض الله وجهك يالصالاني
دائماً متميز بالشعر والنقل

بيض الله وجهك يالصالاني ........ وعزالله انك راعي ذوق.....

قصيده رائعه........

ودايما" تتحفنا بمشاركاتك الرائعه........


لاهنت يالذيب.......


اخوك البيرق............

شكراً لك اخي الكريم على هذا المشاركة

الصالاني
بيض الله وجهك
حر وما تصيد الا سمين
والشاعر ابو مناحي
مشهودله بالجزاله والابداع
سوا نظم او محاوره

لاهنت يالقرم
تقبل تحياتي
محمد