استشيركم في افتتاح مؤسسة مقاولات
 

السلام عليكم ورحمة الله
مساكم الله بالخير
اخواني وابناء عمي الغالين اخوكم ناوي يفتح مؤسسة مقاولات فما ادري ما هي الشروط والاجراءات النظامية وماهي نصيحتكم لي في هذا المجال وفق الله الجميع لكل خير
محبكم ابو ماجد

رد : استشيركم في افتتاح مؤسسة مقاولات
 

الله يبارك لك



بالتوفيق يافلاح

رد : استشيركم في افتتاح مؤسسة مقاولات
 

والله مالي بها علم


لكن الله يوفقك ويسمح دربك

تشكرااااااااتي

رد : استشيركم في افتتاح مؤسسة مقاولات
 

فلاح الحواصلة

لطشت لك ذي المعلومات من موقع يهتم بالعقار

*********************

بسم الله وعلى بركة الله: من واقع تجربتي
أولاً ـ الغرفة التجارية : المطلوب هو 1)عقد إيجار المحل
2) صورة كرت العائلة (أو صورة البطاقة مع برنت من الأحوال يبين فيه أنك متسبب)
3) صورة رخصة المحل التجاري
4) مبلغ 900 ريال إشتراك سنة بالنسبة للمقاولات
ثانياً ـ وزارة التجارة : 1) ،2) ،3) نفس السابق
4) صورة من شهادة الإشتراك للغرفة التجارية
5) مبلغ 1000 ريال إشتراك 5سنوات بالنسبة للمقاولات
ثالثاً ـ فرع البلدية الموجودة في الحي المراد فتح المحل فيه : 1) ، 2) ، 3) ،4 ) نفس السابق
5) صورة السجل التجاري ( الستخرج من وزارة التجارة )
6) مساحة المحل 24 متر مربع
7) صورة كمره لواجهة المحل تبين فيها لوحة المحل
8) الرسوم حسب مقاس اللوحة وعدد سنوات الرخصة سنة أو ثلاث سنوات
9) خروج مساح البلديه معك لمعاينة المحل والأثاث المكتبي
رابعاً ـ مكتب العمل : 1) ، 2) ، 3) ، 4) ،5 ) نفس السابق
6) رصيد بنكي تقريباً 25000 ريال
7) خروج موظف مكتب العمل لمعاينة المكتب
8) في البدائية يعطون 3 عمال تسدد رسومهم في بنك الرياض 6000ريال وتاتي بالإصال من البنك وبعد ذلك أنت تحدد جنسياتهم
( قد تختلف الإجراءت من منطقة لمنطقة )


ولكن لا بد ان تتأكذ وتسأل ناس مجربين ولهم خبره في المقاولات وخلّك متأنّي في قرارك

والله يرزقك ويوفقك دنيا وآخرة

تحيّاتي

رد : استشيركم في افتتاح مؤسسة مقاولات
 

العبدي
لاهنت با النيابه
وتفصيل كافي
بيض الله وجهك

رد : استشيركم في افتتاح مؤسسة مقاولات
 

الله يوفقك أخوي فلاح وييسر أمرك

وأهل الخبرة ماهم مقصرين

أهم شيء الأستخارة ورأس المال الأحتياطي لمواجهة الأزمات الله لايجيبها

بالنسبة لي أشوف أنك تبدأ في المناطق النائية بعيد عن البلديات ومشاكلهم

كلها كم عامل وتشطيبات بسيطة ويكون الشغل بينك وبينهم بالنسبة

وبعد الخبرة الكافية اللي تكتسبها سنة سنتين ثلاث ويصير للمحل سمعة

يا أنك تشرط عليهم بالراتب أو تسحب عليهم وتجيب عمال تختارهم بنفسك

وبالتوفيق