|
موجز مختصر عن ماحدث أمس بين ال عاطف وال قينة يام وتنازلهم عن حقهم لوجه الله ..
مساكم الله بالخير ..
بالإمس تجمعوا رجال اقحطان ووقفوا مع بني عمهم ال دعليج الضوره ال عاطف وأقبلوا على ال قينـة ال عامر يــام في العصر الخميس 13 / 8 في الدلم بالخرج وقد طلبوا اليامية مليونين وسيارتين وتفاوض معهم عدد من الشيوخ منهم ابن الصماخ وابن عجيان ومن ضمن اللي سعوا وساهموا بالصلح وشارك بالتفاوض من اليامية الشيخ بن خرصان وبعدها قال بن عجيان ابشروا باللي طلبتوه وان بغيتوا زية دبل لا يردكم احد والكفلا هذولا هم موجودين .. فقالوا اليامية مدام ذا علمكم والله معاد نبي شي وتاركينها لوجه الله .. فبيض الله وجيه امحلف ولا هيب غريبة عليهم والصلح خير .. ومن ضمن اللي سعوا في الصلح الشيخ الدسم .. والسالفة بأختصار أن واحد من ال دعيلج بينة وبين ناس من ال قينة سؤ تفاهم فقام وكبرت السالفة فأطلق على أثنين منهم النار وأدخلوا على أثرها المستشفى واللحين هم طيبين .. وتقبلوا تحيتي .. |
رد : موجز مختصر عن ماحدث أمس بين ال عاطف وال قينة يام وتنازلهم عن حقهم لوجه الله .
ارحب ارحب يابو مانع
والله يبيض وجهك وافي وعلمك وافي وعلم غانم من وجيه محلف والله يديم الصلح |
رد : موجز مختصر عن ماحدث أمس بين ال عاطف وال قينة يام وتنازلهم عن حقهم لوجه الله .
بيض الله وجيه محلفنا ما قصروا وعلمهم غانم
وهم دايم اهل العلوم الوافيه ولا على القبائل زود وبيض الله وجه من سعى في الصلح ولاهنت يابو مانع على التنوية وبيض الله وجهك |
رد : موجز مختصر عن ماحدث أمس بين ال عاطف وال قينة يام وتنازلهم عن حقهم لوجه الله .
بيض وجيه صبيان محلف
وما قصروا على التسامح بينهم وبين عيال عمهم صبيان قحطان وما قصرت يا شامان |
رد : موجز مختصر عن ماحدث أمس بين ال عاطف وال قينة يام وتنازلهم عن حقهم لوجه الله .
ارحب يا ابو مانع
بيض الله وجيه الرجال الذين اتمو الصلح وبيض الله وجيه محلــف وافي يا ابو مانع علومك كلها غانمه شكرا لك طال عمرك اخوك/عبدالله السحيمي |
رد : موجز مختصر عن ماحدث أمس بين ال عاطف وال قينة يام وتنازلهم عن حقهم لوجه الله .
البيضا لهم ..والله يديم الستر على الجميع
ويكفينا واياكم الشيطان والغضب والمصايب...ّّ |
رد : موجز مختصر عن ماحدث أمس بين ال عاطف وال قينة يام وتنازلهم عن حقهم لوجه الله .
الحمدلله على كل حال
ولاهيب غريبة على صبيان محلف العفوا والعلوم الغانمة لاهنت يالعاطفي |
رد : موجز مختصر عن ماحدث أمس بين ال عاطف وال قينة يام وتنازلهم عن حقهم لوجه الله .
الحمد الله هذه نعمه من الله
والله يديم الصلح بين المسلمين واشكرك علي التنويه اخواك السحيمي |
رد : موجز مختصر عن ماحدث أمس بين ال عاطف وال قينة يام وتنازلهم عن حقهم لوجه الله .
بيض الله وجيه صبيان محلف
|
رد : موجز مختصر عن ماحدث أمس بين ال عاطف وال قينة يام وتنازلهم عن حقهم لوجه الله .
أشكرك يابن عاطف على طرح الخبر
وبيض الله وجهك وجه صبيان محلف وآل عاطف يستاهلون كل خير |
| الساعة الآن 04:54 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com