دار الفخر والعز
 

اتمنى ان ترقى لاذواقكم وتشفع لي في طول الغياب

[poem=font="Simplified Arabic,5,purple,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يالله على دار الفخر والعز ديـم لنـا الامـان=داراً يشرفنـا إنـنـا خدامـهـا وجنـودهـا

يكفي انها مهبط وحي ربي وفيها اشرف مكان=قبلـة جميـع المسلميـن تحيطهـا بحدودهـا

ومسجد رسول الله وتاريخ امته عبر الزمـان=والاجيال ورثت حب الارض اللي بدم جدودها

حنـا ورثنـا حبهـا حنـا عشقناهـا كـيـان=نعشق طبيعتهـا ونعشـق حرهـا وبرودهـا

ونعشق مصايفها من الطائف ليا ابهـا بافتتـان=شم الجبال اللي تعانقهـا السحـب بوعودهـا

ونعشق جبال تهامه وريح السكب والظيمـران=اليا سقاها الله وشفـت زهورهـا وورودهـا

عود السلم والسمر فيها مثل عود الخيـزران=من الروى خضـرا نواميهـا وليـن عودهـا

ونعشق ربيع الساحل اللي كن نبتـه زعفـران=ومسرى نسيم البحر لزهور الربيـع يرودهـا

تلقى به اهل الذوق رغبتها ليـا مالوقـت زان=متعـة نواظرهـا وطـب قلوبهـا وكبودهـا

ونجد الخزاما والنفل والسيح نجـد الديدحـان=يالله عليها سوق نـوض بروقهـا ورعودهـا

رمالها مثل الذهب وهضابهـا مثـل الجمـان=عروس في ليلـة فرحهـا زاهيـه بعقودهـا

والساحل الشرقي من حدود الكويت اليا عمان=الغوص واليامـال يثبـت للزمـان وجودهـا

ونعشق شمالك يابعد حي وله في القلب شـان=نعشق كرم حاتم ونعشـق ضلعهـا ونفودهـا

بالقلب عشقاً يعجز يوصـل معانيـه اللسـان=عشقاً لماضيهـا وحاضرهـا وكـل عهودهـا [/poem]

وسلامتكم

رد : دار الفخر والعز
 

ومن قال سالم

صح لسانك

ويستاهل الوطن هذا الشّعور

من أبنائه


تحيّاتي

رد : دار الفخر والعز
 

صح لسانك

وعلى الاخرى عانك

لاهنت و جمل الله حالك

شهادتي فيك مجروحه

تقبل مروري

رد : دار الفخر والعز
 

صح لسانك وبيض الله وجهك