شبكة قحطان - مجالس قحطان - منتديات قحطان - قصيدة( ديوان العرب) للشاعر الكبير محمد السناني في شاعر المعني

قصيدة( ديوان العرب) للشاعر الكبير محمد السناني في شاعر المعني

قصيده للشاعر الكبير( جنيه الذهب) محمد بن متروك السناني
القيت امام صاحب السمو الملكي الامير/ فيصل بن خالد ال سعود
امير منطقة عسير في برنامج شاعر المعنى الاول 1429هــ
[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
سلام يا اميرٍ رقى بالشعر فالحيد الرفيع=فيصل ولد خالد معرب ساس ومعرب نسب
يابن الملوك اللي لهم تاريخ يعرفه الجميع=تاريخكم مكتوب بالصفحات بَحرف من ذهب
أنت الكريم ابن الكريم ابن الشجيع ابن الشجيع=أنا أشهد ان العز منكم واليكم ينتسب
يا ملوكنا اللي تدعسون الصعب لين انه يطيع=الصعب يبغى يطيع لرضاكم رضى والا غصب
أنتم هل العوجا حماة الدار فاليوم الفضيع=افعالكم يشهد بها الميدان والسيف الحدب
الله خلقكم عن بلاد المصطفى حصنٍ منيع=أنتم ملوك ابلاد نزل فرضها خير الكُتب
يا حفاد من جاها وهي في وضع للغايه شنيع=فيها الجهل والظلم مثل النار تسعر فالحطب
وحد قبايلها وازاح الجهل في وقتٍ سريع=حتى اشرقت شمس العداله وادبر الظلم وغرب
والامن جاد وصار يرعى الذيب من حول القطيع=وصارت حياة الناس راحه لا هموم ولا نصب
ونرجيك يالله يا عزيز الشان يالرب السميع=تحفظ ملوك ابلادنا يا مستحيب إلمن طلب
يا امير وقفتك سواة الغيث ياتي بالربيع=وانا اشهد ان اللي وقفت بجانبه فاز وكسب
دام الادب بحماك في مأمن لا يمكن يضيع=والله ما يلحق جنابه لا عدام ولا عتب
والشعر لولا حظرتك لا اغنى ولا اسمن من ضريع=لكن بوقفتك غدى يا امير ديوان العرب[/poem]