مغزى قبيلة عتيبه على آل عاطف ومقتل العقيد الفارس هندي الجلد الدغيلبي العتيبي .
 

كانوا آل عاطف مربعين بأبلهم في دلقان " ألانجل " قرب النفود في نجد وكان أقرب من لهم من القبايل عتيبه يحدونهم من شمال عرق السر ( النفود ) وكانوا آل عاطف منتشرين بأبلهم وحلالهم وضعنهم في مساحات كبيره و كانت إبل الضورة آل عاطف تتوجه شمال.
و كان الشيخ الفارس شينان بن مبارك بن سعيدان يقول للآل عاطف أن لا أحد يوجه أبله شمال ومن وجهها شمال ما أحد برادها من آل عاطف و كانت إبل
آل عاطف الباقية تتجه جنوب الأنجل " دلقان ". و في يوم العيد غزو قبيلة الدغالبه من عتيبه بقيادة الشيخ الفارس خزام المهري شيخ الدغالبه ومعه
العقيد الفارس هندي الجلد الدغيلبي ومعه فرسان عتيبه وهجموا على أبل واحد من آل عاطف يقاله " درويش "المهم إن فرسان عتيبه خذوا الأبل وهي ترعى شمال دلقان " الأنجل " قاموا فرسان آل عاطف لحقوا القوم وتداوسوا معهم وقتل من الدغالبه فرسان كثر منهم العقيد الفارس هندي الجلد الدغيلبي واللي ذبحه الفارس حزام ابن الجيطاء الضوره آل عاطف قتله وهو كبير في السن [ لكن الفارس فارس كان كبير وإلا صغير ] وقاموا آل عاطف أحتموا أبلهم ورجعوا الابل المآخوذه بعد ما عقرت الكثير من الخيل في هذه المعركة الشرسة .

وقد قال الشاعر بعد هذا الانتصار الكبير قصيدة طويله منها :

[poem=font="Arial,5,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
من خشم النفود أخذت ذود معاطيش=غاروا علينا في الضحى يوم عيدي.
لولا أهل السربة غدت ذود درويش=اللي غدا و اللي صوابه مجيدي.
عواطف وردوا على الخيل و الجيش=و أميرهم شينان حامي البليدي.[/poem]

تقبلوا فائق الاحترام

رد : مغزى قبيلة عتيبه على آل عاطف ومقتل العقيد الفارس هندي الجلد الدغيلبي العتيبي .
 

ابيض وجه يا ابا الذموم

والله ونعم باللي با آل عاطف


فعلهم يطلق وجيهم اولا وتالي

رد : مغزى قبيلة عتيبه على آل عاطف ومقتل العقيد الفارس هندي الجلد الدغيلبي العتيبي .
 

ابالذموم ارررررحب

جعلتني احس بهذه القصه كأنني اراها

الله يرحمهم ويتعافى عنهم

واما شينان فهو بحد ذاته بطوله الله يرحمه شيخ وفارس وقرم ونسل قروم

لاهنت لاهنت

رد : مغزى قبيلة عتيبه على آل عاطف ومقتل العقيد الفارس هندي الجلد الدغيلبي العتيبي .
 

السلام عليم ورحمة الله وبركاتة

الله يعطيك العافيه يا ابا الذموم ولاهنت

وماعليك زود ياعبد الوهاب

تقبل مروري وخالص شكري اخوك: ابو علي العاطفي

رد : مغزى قبيلة عتيبه على آل عاطف ومقتل العقيد الفارس هندي الجلد الدغيلبي العتيبي .
 

اررررحب ياابا الذموم

بيض الله وجهك ياكحيلان على علومك اللي كلها تطلق الوجه

كل يوم تتحفنا بسالفة تنومس وترفع الراس وفخر لكل قحطان

وثلاثين نعم بالشيخ الفارس/ شينان بن سعيدان وبآل سعيدان

وبالشيخ الفارس /حزام بن الجيطاء وبالضوره

وبآل عاطف كلهم ولاقصور في باقي القبائل

لاهنت

تحياتي وتقديري لشخصك الكريم

رد : مغزى قبيلة عتيبه على آل عاطف ومقتل العقيد الفارس هندي الجلد الدغيلبي العتيبي .
 

ماعيــــــــــــــــــن خيــــــــــــــــــر من غـــــــــــــــــزا ال عــــــــاطــــــــــــــــــــــــــــــــفــــــ ــــــــــــ
أرررررررررررررررررررحب يالامير ابن الامير وبيض الله وجهك والاد عاطف ما أحد خذا أبلهم ولا أحد غزاهم وعود سالم

رد : مغزى قبيلة عتيبه على آل عاطف ومقتل العقيد الفارس هندي الجلد الدغيلبي العتيبي .
 

لاهنت يابا لذموم وبيض الله وجهك اخوك الوعيلي

رد : مغزى قبيلة عتيبه على آل عاطف ومقتل العقيد الفارس هندي الجلد الدغيلبي العتيبي .
 

لولا أهل السربة غـدت ذود درويـش ... اللـي غـدا و اللـي صوابـه مجـيـدي

عواطف وردوا على الخيل و الجيش ... و أميرهـم شيـنـان حـامـي البلـيـدي

والله ونعم يا ال عاطف

ابا الذموم بيّض الله وجهك , بيّض الله وجهك

وانا اشهد انّك مكسب للشّبكة

وفخر لــ بني عمّك ولنا

وننتظر المزيد من العلوم



تحيّاتي

رد : مغزى قبيلة عتيبه على آل عاطف ومقتل العقيد الفارس هندي الجلد الدغيلبي العتيبي .
 

والله ونعم في ال عاطف صبيان ال محمد الجحادر
ولاهنت على العلوم الي تنومس ياابالذموم
تقبل مروري

رد : مغزى قبيلة عتيبه على آل عاطف ومقتل العقيد الفارس هندي الجلد الدغيلبي العتيبي .