على الساحه قريت اليوم يا محمد ولد شباب ..!!
 

بعد,, رحم الله الموتى رحمة واسعه



وألهم أهليهم وغاليهم




الصبر والسلوان


,,

,





[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
على الساحه قريت اليوم يا محمد ولد شباب=خبر خلى دموع العين فوق الخد سكابه
يقول : الموت أخذ (مشلح) عن الدنيا ومعه (ذياب)= وجنب ذياب يا محمد أخذ جمله من أحبابه..!!
وأنا ماني على حكم القدر يا صاحبي مرتاب=على كف القدر نمشي ..وحكم الله نرضى به
ولا لحد"ن" عن اللي قدره رب الملا مجناب=سكن حيد الجبل ولا تعلا فوق مرقابه
نطيع.. ولا نضيع اليا حسبنا للطريق حساب=وعرفنا الموت حق وكل منا داخل بابه
وعرفنا ان الزمن فعله مع المومن سواة الداب=مع الغصن الخضر.. لامن شحن سمه تلوى به
ولكن لو شحن سمه ترى صبر الفتى غلاب=يبا يقضي على داب الثرى ويقلع أنيابه
وأنا يا محمد الليله لأنك فأول الاصحاب=كشفت اللي برى حالي .. وابا أكشف لك عن أسبابه
يشح الرجل عن دمعة قهر فالموقف الغصاب=ولا منه فقد غالي ..تشوف دموع منسابه
صحيح اللي رحل عنا قريب ..!! ولا نقول أقراب=ولا هم يا ولد عمي ليا عدوا من عتابه
ولكن لو تعرف اللي غلاه مطقق الاطناب=تبا تعرف سبب دمع يسيل نجد وشعابه..!!
هذاك اللي ليا منه وقف دونه نسوق رقاب=وغلا الغالي على سلم الوفا عداه لأقرابه
وأنا الليله على شانه نويت أبدي على المرقاب=واوردها على عد الروى واصدر ركابه
سلام الله يا عبدالله .. بطق الباب .. فك الباب..!!=وأخذ من واحد"ن" عزك عزاه اليوم فكتابه
سلام الله يا عبدالله بمد كتاب تلو كتاب=حوى واجب عزا عن ربعي العتبان بنيابه
وسلام الله يا عبدالله عسى قبر غشاه تراب=علاه المزنه الغرا ثلاث شهور صبابه
وعسى رحمة ولي العرش للخمسه بخمس ثياب=وعسى مثواهم الجنه مع المختار وأصحابه
عزايه واقبله .. وليا قبلته طيبه بأطياب=وصبه من على قمة جبال الرين وهضابه..!!1[/poem]

رد : على الساحه قريت اليوم يا محمد ولد شباب ..!!
 

رد : على الساحه قريت اليوم يا محمد ولد شباب ..!!
 

لاهنت وعسى الله يرحمهم جميع



قصيدة في غاية الروعه والاتقان




وصح لسانك


تقبل التحيه يالغالي

رد : على الساحه قريت اليوم يا محمد ولد شباب ..!!
 

عايض المقاطي .. ارحب ارحب تراحيب المطر

رحم الله المتوفين الذين رثيتهم بهذه المرثيه وجميع اموات المسلمين

وصح لسانك يامبدع

نورت الموقع .. والله يحييك بين اخوانك

.

رد : على الساحه قريت اليوم يا محمد ولد شباب ..!!
 

رحم الله مشلح وذياب ومن معهم في ذلك الحادث الآليم


ونسأل الله لهم المغفرة وان يتغمدهم بواسع رحمته


صح الله لسانك يالمقاطي
وبيض الله وجهك على هذا الشعور الغير مستغرب
والوفا منك ماهو غريب


تحيتي

رد : على الساحه قريت اليوم يا محمد ولد شباب ..!!
 

صح لسانك يا المقاطي

و جزاك الله خير

رد : على الساحه قريت اليوم يا محمد ولد شباب ..!!
 

صح لسانك


ولاهنت عل القصيده


ورحم الله المتوفين.

رد : على الساحه قريت اليوم يا محمد ولد شباب ..!!
 

رحم الله مشلح وذياب وجميع موتا المسلمين ..



لا هنت يالمقاطي ..


مرثيه رائعه رغم حزنها .. إلا انك اتقنت ووفيت يالوافي ..

صح لسانك

رد : على الساحه قريت اليوم يا محمد ولد شباب ..!!
 

عايض المقاطي , صح لسانك

ولاهنت على القصيدة

ورحم الله المتوفّى



تحيّاتي

رد : على الساحه قريت اليوم يا محمد ولد شباب ..!!
 

لكل من شرفني بمروره ولكل من رحب


أقول الله لا يهينك والبقا مليون









,,


تحياتي وتقديري


أخوكم : عايض المقاطي