ماورد الشجعان حـوض المنيـه=الا يبون الطيـب لاحـل طريـاه
 

بسم الله الرحمن الرحيم

هذه القصيده للمرحوم/مبارك بن فلاح بن طاير الشوف الهاجري

عندما عذله شخص بأنه مسرف بالكرامات للضيوف

وشار عليه بأن لا يحلف

على الضيفان ولكن يعزم بدون حلف وتلزيم

وان يحفظ حلاله من الاسراف

طبعا هذا الكلام لم يعجب المرحوم اطلاقا وهاضة قريحته

وأخذ يوصي ابنه على اكرام الضيف والعزم وان الرزق بيد الله.



[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياعبيد انا بوصيك منـي وصيه=واوصيك انا ياعبيد حذرى تناساه
خلك على العليا عزومـك قويـه=ترى ردي العزم مايلحق امنـاه
وادمح خطا اللي يدمحون الخطيه=ومن جا عدو ٍداومـه بالمعـاداه
واهتم لاشفت الركـاب الونيـه=وعجل على ضيفك الا جاك بقراه
ولا تستمع لاهل الحكايا الدنيـه=ومن قال لا تمحق حلالك وتفنـاه
عليك بالجزلـه وكـب الرديـه=والرزق مضمون ٍولا سِد مجـراه
المرجله ماهيـب تهـدى هديـه=ولا تجيـك المرجلـه بالمفافـاه
واعمد طرق الصدق في كل نيـه=واذا طرى لك طاري ٍفلحق اقصاه
ماورد الشجعان حـوض المنيـه=الا يبون الطيـب لاحـل طريـاه [/poem]

وسلامتكم واعذروني من باقي القصيده لأني ماحصلت الا هذه الابيات

رد : ماورد الشجعان حـوض المنيـه=الا يبون الطيـب لاحـل طريـاه
 

المرجله ماهيب تهـدى هديـه ولا تجيك المرجلـه بالمفافـاه
واعمد طرق الصدق في كل نيه واذا طرى لك طاري ٍفلحق اقصاه
ماورد الشجعان حوض المنيـه الا يبون الطيـب لاحـل طريـاه


الله

رحم الله الشاعر مبارك الشــوف ..

وعز الله اللي وصى ..

ويعطيك العافية

لاهنت

رد : ماورد الشجعان حـوض المنيـه=الا يبون الطيـب لاحـل طريـاه
 

الله يرحمه برحمته

عز الله وصى بوصيته طيبه الله يجعل عظامه للجنه

والكرم من صفات الأوفياء الشجعان اهل المعادن المحكحكه والمصقوله


واعجبتني القصيده كلها

لكن هذي البيتين تسوى قصايد
واهتم لاشفت الركـاب الونيـه وعجل على ضيفك الا جاك بقراه

والثاني

ماورد الشجعان حوض المنيـه الا يبون الطيـب لاحـل طريـاه

لا هنت يا الهاجري

أخوكـ البشري

رد : ماورد الشجعان حـوض المنيـه=الا يبون الطيـب لاحـل طريـاه
 

مشكور ياالهاجري على نقل هذه القصيدة الثمينة

رحم الله شاعرها/مبارك بن فلاح بن طاير الشوف الهاجري

وبيض الله وجهك

رد : ماورد الشجعان حـوض المنيـه=الا يبون الطيـب لاحـل طريـاه
 

فحنّا اللي نكرّم من نصانا = يمينه في الشحم عقب الفواله

وحنّا اللي صداقتنا نقيّه = بميل الوقت والا بعتداله

وحنا اللي روابعنا قويه = ضعيف الرابعه نرفى خماله

وحنا هقاوينا كبيره = وحنا اللي تبين إبنا الجماله



كفو ووووووووووووووو

رد : ماورد الشجعان حـوض المنيـه=الا يبون الطيـب لاحـل طريـاه
 

بيض الله وجهك

قصيد جميلة

ورحم الله قايلها

رد : ماورد الشجعان حـوض المنيـه=الا يبون الطيـب لاحـل طريـاه
 

شامان العاطفي

لاهنت على المرور

رد : ماورد الشجعان حـوض المنيـه=الا يبون الطيـب لاحـل طريـاه
 

الله يرحمه ويرحم موتا المسلمين

واهتم لاشفت الركـاب الونيـه ..... وعجل على ضيفك الا جاك بقراه

لاهنت يا الهاجري وبيض الله وجهك

رد : ماورد الشجعان حـوض المنيـه=الا يبون الطيـب لاحـل طريـاه
 

ماورد الشجعان حوض المنيـه الا يبون الطيـب لاحـل طريـاه


الله يرحمه برحمته

ابيات رائعه ووصيه جميلهـ

تقبل مروري

رد : ماورد الشجعان حـوض المنيـه=الا يبون الطيـب لاحـل طريـاه