من اروع قصايد حامد بن علي بن مايقه الحبابي
 

قصيدتنا هي للشاعر المعروف حامد بن علي بن مايقه الحبابي وهو يعتبر الشاعر الاول بقطر كما انه عضو بمجلس الشورى القطري
وهذه القصيده تعتبر من قصايده المليئه بالحكم والنصح ويقول شاعرنا :


يالله يلي من فضايلك تعتاش @كل البشر والبر تسقي عطاشه

يلي خلق الانسان يارب الادباش @رب الظعيف الي عليك انتعاشه

فرج لمن قلبه غدا فيه وشواش@من وقتنا الي زايد(ن)حس واشه

وقت به النمام لو كان غشاش@يرفع مقامه غادي(ن)كنه باشه

من جاه قدم له معاميل وفراش@لوكان مايسوى متاكي فراشه

متكبر(ن) عند الرجاجيل ببلاش@عظم(ن)لمن ناشه قليل(ن)عراشه

وان شاف ظيف(ن)ناصي(ن) بيته انحاش@خلى الظيوف ويعتبرها طماشه

يم العيون السود جوزي من الاش@لوكان ميسور(ن)وكثير معاشه

شومي لمنه للمواجيب حواش@رجل(ن) اذا جا ذكر الامجاد حاشه

لا وهني الي الى ظاق ما طاش@صدره وسيع وزايد(ن)برد جاشه

همه قليل وللهواجيس ماناش@ونفسه طيعه في ظروف انكماشه

والهم غم وصاحب السو منقاش@مثل الجريح الي يحك البشاشه

والعلة الي بالجسد دمها باش@تبطي بعوق وجرحها في خشاشه

والحلم زين وراعي الصبر لو عاش@على خصيمه ينتصر في هواشه

ليصار حلم وخالطه قوة الجاش@والرجل ودك فيه لين وحراشه

والصدق نور ولونه ابيض من الشاش@والكذب زور يتكشف قراشه

حبله قصير ومارد الكذب معطاش@تقصر حباله قبل ييبس مشاشه

والزود نقص ومن تكبر على ماش@اما ردي الساس ولا خباشه

اي وربي بيض الله وجهك يا محمد وجل يسلم راعي القصيده ابو علي

مشكور يامهدي وتسلم على المرور
 

وجهك ابيض وجعله يسلم وياك ..................................

لاهنت يامحمد وبيض اللة وجهك وياليت تنقلنا بعض قصايد ابن مايقة

كفوووووووووووووو

لاهنت ياخوي محمد على ايراد قصيده للشاعر العملاق حامد بن مايقه

ولقد اشتهر شهره واسعه رغم ان الاعلام لم ينصفه

مرحبا ملايين
 

اول شي يكفي مروركم على الموضوع فهذا بحد ذاته فخر لي
ومشكورييييييييييين(علي الحبابي+الصالاني+ابن عاصم)واحاول اني
اجيب بعض قصايده وشكرا

شكراً لك اخي الكريم على هذا المشاركة ألف مبروك ..

الأخ الكريم محمد بيض الله وجهك ووجه الشاعر حامد بن مايقه وأرجوك يا أخي العزيز أن تزودنا بأشعاره وهذا رجاء يا أخي العزيز وطلب أرجو أن تلبيه ، أو تضيف تسجيل له في الموقع ، وسمعت أنه طلع في قناة قطر في (بحور القوافي) ولكنه فاتنا يا أخي العزيز ، الشاعر هذا كنز وأرجو أن لا تحرمنا منه ، وأرجو أن نراه قريباً في المنتدى ، أو أرجو منك أن تبلغنا كيف نجد قصائده ، إذا كان هناك له ديوان مقرؤ أو مسموع . والسلام ختام .
أخوك نجم الخليج

مشكوووووووور يامحمد الحبابي
وابن مايقه معروووف بشعره وهو من شيوخ الحباب في قطر